Hər ay maaşımızdan bu qədər pul tutulacaq - VİDEO

Hər ay maaşımızdan bu qədər pul tutulacaq - VİDEO

Məsələnin Milli Məclisin iclasında qəbul ediləcəyi gözlənilir

İcbari tibbi sığorta sahəsində bir sıra vacib dəyişikliklər ediləcək.

Belə ki, icbari tibbi sığorta haqqı öncədən müəyyən edilən 120 manatdan 90 manata endiriləcək. Bundan əlavə, özəl sektorda çalışanların maaşından icbari tibbi sığorta üçün tutulacaq məbləğ 2 faizdən 1 faizə düşəcək.

Yeni təkliflərin qısa zamanda Milli Məclisdə qəbul edilərək təsdiqlənəcəyi gözlənilir.

İcbari tibbi sığorta ilə bağlı öncədən müəyyən edilmiş maliyyə göstəricilərində vətəndaşların xeyrinə bir sıra dəyişikliklər edilib. Bu dəyişikliklər dövlət başçısının təşəbbüsü ilə parlamentin Səhiyyə komitəsində müzakirə edilib və plenar iclasa tövsiyə olunub.

Bu barədə "Xəzər Xəbər"ə danışan komitənin sədr müavini M.Quliyev icbari tibbi sığorta üçün tələb olunan minimal məbləğin öncəki ilə müqayisədə 30 manat azaldıldığını bildirib.

Millət vəkilinin sözlərinə görə, ediləcək ən önəmli dəyişikliklərdən biri isə özəl sektorda çalışan işçilərin maaşlarından tutulmaların öncəki məbləğlə müqayisədə azadılmasıdır.

O bildirib ki, vətəndaşların alacağı xidmətlər zərfində də dəyişikliklər ediləcək. Belə ki, öncədən qəbul edilən qaydalara əsasən icbari tibbi sığorta üçün hazırlanan baza zərfi ilə əlavə zərfdə olan xidmətlər birləşdiriləcək.

Millət vəkilinin sözlərinə görə, iqtisadi fəal, ancaq vergi-sığorta münasibətlərində iştirak etməyən bölgələrdəki fermer təsərrüfatı ilə məşğul olan şəxslər də 2023-cü ilə qədər dövlət hesabına icbari tibbi sığorta ilə təmin ediləcəklər.

M.Quliyev qeyd edib ki, dəyişikliklərdən sonra icbari tibbi sığorta büdcəsi 2 milyard manat olacaq, bu da tibbi xidmətlərin keyfiyyətinin kifayət qədər yüksəlməsinə təsir göstərəcək.

Qeyd edilən dəyişikliklərin Milli Məclisin növbəti plenar iclasında səsverməyə çıxarılaraq qəbul ediləcəyi gözlənilir.

BakuCity.az

icbari tibbi sığorta əməkhaqqı
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər