Bakıda rəqs müsabiqəsi keçiriləcək: Qeydiyyat üçün TƏLƏSİN - FOTO

Bakıda rəqs müsabiqəsi keçiriləcək: Qeydiyyat üçün TƏLƏSİN - FOTO

İştirakçılar yaş kateqoriyalarına bölünürlər

Dekabrın 8-də Azərbaycan Gənclər İttifaqı və Azərbaycan Rəqs Assosiasiyası təşkilatçılığı ilə Sərhədçi İdman Olimpiya Mərkəzində “Azərbaycan Rəqs üzrə Açıq Kuboku 2019” adlı rəqs müsabiqə keçiriləcək. 

BakuCity.az xəbər verir ki, yarışmaya təşkilati dəstək "Jam Group" komandası tərəfindən göstərilir.

Azərbaycan Gənclər İttifaqının İdarə Heyətinin üzvü Əziz Əzizovun BakuCity.az-a verdiyi məlumata görə, müsabiqənin keçirilməsinin əsas məqsədi müxtəlif müasir və ictimai rəqs növlərində çalışan istedadlı kollektivlərin müəyyən edilməsi, Azərbaycanı Dünya və Avropa çempionatlarında təqdim etmək üçün rəqqasların və kollektivlərin seçimi, həmçinin Azərbaycanın və yaxın xaricdə rəhbərlər, xoreoqraflar, müəllimlər və rəqqaslar arasında təcrübə mübadiləsi, sağlam həyatın təşviqi və uşaqların, yeniyetmələrin və gənclərin müasir və ictimai rəqs növləri ilə məşğulluğa cəlb olunmasıdır.

İştirakçılar yaş kateqoriyalarına bölünürlər. Körpələr 4-7 yaş, uşaqlar 7-10 yaş, yeniyetmələr 11-15 yaş, böyüklər isə 16 yaşdan yuxarı olmalıdır.

Janrlar üzrə nominasiyalar: solo, duet, kiçik qruplar və ansambılar.

Qeyd edək ki, obyektivlik və dürüstlük naminə çıxışlar zamanı iştirakçıların hansı studiya və ya məktəbi təmsil etdikləri açıqlanmır (bu proses mükafatlandırma zamanı açıqlanır). Seçim iştirakçının qeydiyyat nömrəsi ilə aparılır. Münsiflər heyəti tərəfindən çıxışlar texnika, kompozisiya, imic, şou kriteriyaları baxımından qiymətləndiriləcək.

Qeydiyyat üçün əlaqə:

[email protected]
+994124971236
+994502502293
+994502502280

Yarışmanın informasiya tərəfdaşı BakuCity.az saytıdır.

Ramilə Qardaşxanqızı

BakuCity.az

Bakı rəqs müsabiqə
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər