Bakı Tanqo Festivalı gələn il də keçiriləcək - FOTO

Bakı Tanqo Festivalı gələn il də keçiriləcək - FOTO

Tanqo Bakıda da populyarlaşacaq

Noyabrın 30-da Nizami Kino Mərkəzində Argentina səfirliyinin təşəbbüsü ilə “Beynəlxalq Bakı Tanqo Festivalı çərçivəndə qala gecəsi keçirilib.

BakuCity.az xəbər verir ki, gecədə xüsusi qonaq qismində tanınmış rəqqaslar, 2019-cu il tanqo rəqsi üzrə dünya və Avropa çempionları Aqustina Pyacco və Maksim Gerasimov (Argentina/Rusiya), Xulio Saavedra və Tekla Qoqriçyani (Argentina/Gürcüstan), Yakof Şonski və Naryam Rossa (Gürcüstan), Sesilia Akosta və Levan Qomelauri (Argentina/Gürcüstan) çıxış ediblər.

Tanqoçular sərgilədikləri performans və rəqs elementlərinin zərifliyi ilə hər kəsi heyran ediblər.

Argentinanın Azərbaycandakı səfiri Serxio Osvaldo Perez Qunella çıxışında festivalın təşkilatçılarına, xüsusilə Azərbaycan Mədəniyyət Nazirliyinə təşəkkürünü bildirib. O, qeyd edib ki, Bakıda olan 4 tanqo məktəbinin nümayəndələri də gecədə iştirak edirlər və onların təqdimatında ustad dərsləri, milonqalar festivala xüsusi özəllik qatacaq.

"United Cultures" şirkətinin icraçı direktoru Paola Kasaqrande isə çıxışında festivalın keçirilməsi təşəbbüsünün Argentina səfirliyindən gəldiyini bildirib. O, həmçinin bu festivalın möhtəşəm keçəcəyinə inandığını və artıq Beynəlxalq Bakı Tanqo Festivalı - 2020 haqqında da düşündüklərini bildirib. Onun sözlərinə görə, bu cür festivallar tanqonun Bakıda da populyarlaşmasına səbəb olacaq.

Qala gecədə ehtiraslı tanqo rəqsləri muğamla sintez olunub. Tarda Sahib Paşazadə, gitarada Lautaro Tissera, bandoleonda isə Viktor Huqo Vilyena ifa ediblər.

Argentinanın Azərbaycandakı səfirliyi və "United Cultures"in "The Landmark Baku", "Bakı Metropoliteni" QSC, Nizami Kino Mərkəzi və "Nizami Restaurant & Lounge"-ın təşkilatçılığı və Mədəniyyət Nazirliyi, ADA Universiteti, Bakı Xoreoqrafiya Akademiyası, Azərbaycan Dövlət Mədəniyyət və İncəsənət Universiteti, "NESS Company", "IN Tango Baku", "Tango On", "El Club de Tango", "Badi Kuba" və "R&N-project Dance School in Baku", "Macrobiosis Tango School"un dəstəyi iləkeçirilən festivaldekabrın 1-dəkdavamedib.

Beynəlxalq Bakı Tanqo Festivalının informasiya tərəfdaşı BakuCity.az saytıdır.

Ramilə Qardaşxanqızı

Bakucity.az

Bakı Tanqo festival
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər