Avtobuslarda qəza çəkiclərini sürücülər niyə yoxa çıxarıb?

Avtobuslarda qəza çəkiclərini sürücülər niyə yoxa çıxarıb?

Bu avadanlıqlar elə bir anda insanların yardımına gələ bilər ki...

Qəza çıxışı çəkicləri, yanğınsöndürən balon və dərman qutusu avtobuslarda yerində olmayan avadanlıqlardandır. Onları daşıyıcı şirkət, sürücü təmin etməlidir.

BakuCity.az xəbər verir ki, bu sözləri "Qaynarinfo"ya yol nəqliyyatı eksperti Elməddin Muradlı Bakının ictimai nəqliyyatında sərnişin daşıyan avtobuslarda qəza anında insanların köməyinə çatacaq vəsaitlərin olmamasına münasibət bildirərkən deyib. 

Ekspert sözügedən vəsaitlərin avtobuslarda olmasının önəmini belə izah edib:

"Nazirlər Kabinetinin yeni qərarına əsasən, avtobuslarda iki litrlik yanğınsöndürən balon, qəza çıxış çəkicləri yerində olmalıdır. Çünki bunlar hadisə anında insanların köməyinə çatacaq vasitələrdir. Ona görə də avtobuslar bu vəsaitlərlə təmin olunmalıdır. Ancaq indi elə bir dövrdəyik ki, avtobusların heç istismar qaydaları norma çərçivəsində deyil, qalmışdı ki, çəkic, dərman və ya başqa tələblər olsun. Vaxtilə sürücülər bu vəsaitləri ehtiyat hissə kimi sökərək şirkətlərə satıblar deyə, indi bu avadanlıqları təmin etmək onlar üçün çox çətindir. 

Düşünürəm ki, avtobus parkı yeniləndikdə yeni gətirilən avtobusların üzərində bu avadanlıqlar yerində olacaq və zaman keçdikcə daşıyıcı şirkətlər də onların daim yerində olmasını təmin edəcək. Hazırda bu sahədə ciddi problem var. Əksəriyyətində lazım olan vəsaitlər, qurğular, cihazlar yoxdur. Ancaq anlamaq lazımdır ki, bu avadanlıqlar elə bir anda insanların yardımına gələ bilər ki... Ona görə də avtobuslarda bu vəsaitləri mümkün qədər təmin etmək lazımdır".

BakuCity.az

Bakı avtobus qəza çıxışı çəkic
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər