Bakıda "siqaret çəkən" kolbasalar satılır - FOTO

Bakıda "siqaret çəkən" kolbasalar satılır - FOTO

"Bəzən sahibkarlar xarici malların tərkibindəki zərərli maddələri gizlədirlər"

Bakıda "siqaret çəkən" kolbasalar satılır.

BakuCity.az xəbər verir ki, bu barədə məlumatı alıcılar Baku.ws-in “qaynar xətti”nə göndəriblər.

Bildirilib ki, mağazalardan alınan Belarus istehsallı kolbasanın üzərindəki sözlər Azərbaycan dilinə düzgün tərcümə edilməyib. “Белорусская традиция" yarlıqlı "Замковая" adlı kolbasanın adını “Saray” kimi tərcümə ediblər.

Qeyd edək ki, məhsulun adı tərcümə edilmir. Sadəcə əcnəbi adlar Azərbaycan dilinə uyğunlaşdırılır.

Təbii ki, bu, ilk baxışdan gülməli görünə bilər, lakin oxşar faktlar çox acınacaqlı məqamlardandır. Ekspertlər də məsələnin çox ciddi olduğunu bildirirlər.

“Azad İstehlakçılar Birliyi”nin sədri Eyyub Hüseynov bildirib ki, qeyd edilən fakt qanun pozuntusudur:

“İstehlakçı mal haqqında mütləq ana dilində məlumat almalıdır. “İstehlakçıların hüquqlarının müdafiəsi” haqqında və “Yeyinti məhsulları” haqqında qanunlarda birmənalı şəkildə göstərilir ki, ölkənin əmtəə bazarında satılan xarici istehsallı ərzaq mallarının üstündə əcnəbi dillə yanaşı, Azərbaycan dilində də məlumat verilməlidir.

Bəzən sahibkarlar xarici malların tərkibindəki zərərli maddələri gizlədirlər. Bəzən isə məhsulun içindəki məhsulları düzgün tərcümə etmirlər. Bəzən də məhsulun adı düzgün tərcümə edilmir. Bu, istehlakçının informasiya almaq hüququnun pozulması deməkdir.

Təəssüf ki, bəzən məhsulun üzərindəki yazılar qeyri-peşəkarlar tərəfindən tərcümə edilir. Onun üzərinə vurulan yarlıqdakı yazılar məhsulun adı və keyfiyyəti ilə də uzlaşmır”.

Bakıda "siqaret çəkən" kolbasalar satılır - FOTO, fotoşəkil-1

BakuCity.az

Bakı kolbasa satış
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər