Zorge parkının tarixçəsi, bakılı kəşfiyyatçının iti baxışları - FOTO

Zorge parkının tarixçəsi, bakılı kəşfiyyatçının iti baxışları - FOTO

Əfsanəvi kəşfiyyatçı "hər şeyi görür"

Bu gün BakuCity.az “Bakının parkları və bağları” rubrikası çərçivəsində paytaxtın Səməd Vurğun küçəsi ilə Azadlıq prospekti arasında yerləşən köhnə parklarından biri - Rixard Zorge parkından bəhs edəcək.

Alman mühəndisin fikri

1898-ci ildə Bakı Şəhər Duması, Bakının baş planını mühəndis və keçmiş şəhər rəhbəri Nikolay fon der Nonneyə sifariş verdi. Alman mühəndis planda şəhərin əhəmiyyətli hissələrini böyük bulvar və parklar üçün ayırdı. Lakin Şəhər Duması böyük Aleksandrovski bulvarı planını qəbul etmədi.

1927-ci ildə Bakıya ezam olunan memar Aleksandr İvanitski şəhər planı üzərində işləyərkən Nikolay von der Nonnenin yaşıllıq zonalarını təqdim etdi. Beləliklə, hər şeyə rəğmən Məmmədyarov qəsəbəsində Aleksandrovski bulvarı, indiki Zorge parkı yaradıldı.

Qeyd edək ki, paytaxtın bu yaşıl guşəsi kifayət qədər geniş ərazidə yerləşir. Buna görə də, xüsusən, uşaqlarla birlikdə istirahət etmək və gəzmək üçün ən yaxşı parklardan hesab olunur.

Zorge parkının tarixçəsi, bakılı kəşfiyyatçının iti baxışları - FOTO, fotoşəkil-1 Zorge parkının tarixçəsi, bakılı kəşfiyyatçının iti baxışları - FOTO, fotoşəkil-2 Zorge parkının tarixçəsi, bakılı kəşfiyyatçının iti baxışları - FOTO, fotoşəkil-3 Zorge parkının tarixçəsi, bakılı kəşfiyyatçının iti baxışları - FOTO, fotoşəkil-4 Zorge parkının tarixçəsi, bakılı kəşfiyyatçının iti baxışları - FOTO, fotoşəkil-5 Zorge parkının tarixçəsi, bakılı kəşfiyyatçının iti baxışları - FOTO, fotoşəkil-6

Açıq havada uşaq dünyası 

2004-cü ilin aprel ayında park bir hissəsində yelləncəklər, atraksionlar olan “Koala park” fəaliyyətə başladı. Bu kiçik park parlaq işıqları və rəngli karuselləri ilə uşaqların diqqətini cəlb edir. Parka giriş üçün 3 manat ödənilməlidir.

Həmçinin oxu: Dədə Qorqud parkı: şəhərin mərkəzində oazis, katamaranla gəzinti - FOTO

Çoxsaylı atraksionlardan əlavə, burada uşaqlar üçün maraqlı və müxtəlif master-klaslar da təşkil olunur. Əgər uşağınız acdırsa, ərazidən uzaqlaşmaq lazım deyil. Parkda uşaqların ən sevimli yeməklərini - təzə şirələr, fri kartoflar, pizza, şirniyyatlar və s. sifariş edə biləcəyiniz kafe var.

Müasir meqapolisdə qədim dastan qəhrəmanı

Parkın digər hissəsində hündür ağaclar, gəzinti üçün geniş ərazi və xalq qəhrəmanı Koroğlunun vəfalı atı Qıratın üzərində oturmuş heykəli var. Abidənin ümumi hündürlüyü 23 metrdir. Ədəbi qəhrəmanın Ukraynada hazırlanan bu abidəsi paytaxt parkında nisbətən yaxınlarda - 2012-ci ildə qoyulub. Abidənin müəllifi heykəltəraş Tokay Məmmədovdur.

Zorge parkının tarixçəsi, bakılı kəşfiyyatçının iti baxışları - FOTO, fotoşəkil-7

Qan donduran baxış

Əlbəttə ki, parkın əsas diqqətçəkən yeri 1981-ci ildə əfsanəvi sovet kəşfiyyatçısı, bakılı Rixard Zorgeyə qoyulmuş abidədir.

Zorge parkının tarixçəsi, bakılı kəşfiyyatçının iti baxışları - FOTO, fotoşəkil-8

Abidə bir kəşfiyyatçının hər şeyi görən gözlərini nümayiş etdirir. Abidənin müəllifi Vladimir Siqal Zorgenin iti baxışlarını canlandıra bilib: bu gözlərlə qarşılaşan insan sanki izlənildiyini hiss edir. 

Abidə Qələbə Günü ərəfəsində parkda ucaldılıb. Abidənin açılışı Ümummilli lider Heydər Əliyevin iştirakı ilə təntənəli şəkildə keçirildi.

Uzun müddətdir işıqlandırılmasa da, abidə ona baxan hər kəsi hələ də heyran edir.

Züleyxa İsmayılova

Foto: Nicat Alili

BakuCity.az

Bakı Zorge parkı Koroğlu
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər