Bakıda boş taksofon köşkləri, yoxsa reklam dirəkləri? - Sahibləri də bilinmir - FOTO

Bu köşklər şəhər küçələrindən yığışdırılacaq?

Bakıda veb-taksofonlar və onlar üçün köşklər 2013-cü ildən quraşdırılıb. Hazırda isə şəhərin bir çox yerlərində həmin köşklərin içi boşdur. 

BakuCity.az məsələ ilə bağlı “Bakı Telefon Rabitəsi” MMC ilə (“Baktelecom”) əlaqə saxlayıb.

Qurumdan bildirilib ki, hazırda boş olan qurğular vaxtilə müxtəlif şirkətlər tərəfindən taksofonların yerləşdirilməsi üçün quraşdırılmışdı. Bu köşkləri quraşdıran hər hansı şirkət həmin qurğulara telefon və elektrik xətlərinin çəkilişini təmin edərsə, “Baktelecom” tərəfindən veb-taksofonların yerləşdirilməsi həyata keçirilə bilər:

“Bakı Telefon Rabitəsi” MMC-nin balansına daxil olan 317 ədəd taksofon aparatından 208 ədədi kart və qəpiklə işləyən universal, 80 ədədi isə internetə çıxışı olan veb-taksofondur. 29 ədəd telekart-taksofon da mövcuddur ki, onlar hərbi hissələr, penitensiar xidmət müəssisələri və rayon polis idarələrində yerləşdirilib”.

Qeyd olunub ki, cari il ərzində paytaxt ərazisində taksofonlar üzrə 2,5 milyona yaxın danışıq sayı qeydə alınıb:

“Aparatlardan istifadə zamanı 5, 10, 20 və 50 nominallı qəpiklər, eləcə də taksofon kartları daxil etmək lazımdır. Taksofon kartlarının satışı 2, 4 və 6 saylı Rabitə Xidmətləri mərkəzlərində həyata keçirilir. Danışıq zamanı istifadəçi mobil şəbəkəyə zəng edərsə, qiymət 1 dəqiqə üçün 0.10 AZN, şəhərlərarası danışıqlarda 0.05 AZN, lokal (stasionar telefon) zənglərdə isə 0.02 AZN təşkil edir”.

Qurumdan bildirilib ki, son dövrlər müasir veb-taksofonların istifadəsinə üstünlük verilir:

“Veb-taksofonlar internet şəbəkəsi ilə yanaşı, USB-girişlə təmin olunduğundan istifadəçi fleşkart vasitəsilə hər hansı yükləmə əməliyyatını icra edə bilər. Eyni zamanda, veb-taksofonlar vasitəsilə enerjisi tükənən mobil cihazı enerji ilə təchiz edə bilərlər”.

“Baktelecom”dan onu da deyiblər ki, yeni açılmış metro stansiyaları, dayanacaq və ya nəqliyyat mübadilə mərkəzlərinə sakinlərin axınını nəzərə alaraq, bir sözlə, tələbat yarandığı halda qurum tərəfindən müasir standartlara cavab verən veb tipli taksofonlar quraşdırılır.

Qeyd edək ki, dünya praktikasında taksofon xidməti gəlir mənbəyi kimi deyil, zəruri hallarda qısa nömrələrə təcili zənglərin edilməsini təmin edən social yönümlü xidmətdir. Belə ki, mobil telefondan istifadə etməyən kütlə az olsa da var. Digər tərəfdən, mobil telefonların balansı və enerjisi bitə bilər. 

Bununla belə, hazırda üzərinə reklam kağızlarının yapışdırıldığı taksofon köşklərinin hansı şirkətlər tərəfindən quraşdırıldığı barədə sualımız cavabsız qaldı. Növbəti sual yaranır: “İçində taksofon olmayan bu köşklər şəhər küçələrindən yığışdırılacaqmı?”

Məsələ diqqətimizdədir. 

Ramilə Qardaşxanqızı

BakuCity.az

Bakı taksofon köşklər
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Hələ heç kəs qiymətləndirməyib
Mən məsləhət görürəm
Hələ heç kim məsləhət bilməyib

Şərhlər

Şərhlər ünsiyyət, müzakirə və maraqlı sualların aydınlaşdırılması üçün nəzərdə tutulub

Siyasət
Avropa komissarı da gələcək  Fevralın 28-də Bakıda "Cənub Qaz Dəhlizi" Məşvərət Şurasının VI iclası keçiriləcək. Energetika Nazirliyindən BakuCity.az-a bildirilib ki, sözügedən tədbirdə iştirak etmək məqsədilə Avropa Komissiyasının enerji məsələləri üzrə komissarı Kadri Simsonun da Azərbaycana səfər edəcəyi gözlənilir. Qeyd edək ki, "Cənub Qaz Dəhlizi" "Şahdəniz-2" yatağından hasil olunan Azərbaycan qazının Türkiyə vasitəsilə Avropaya nəqli üçün boru kəmər...
Hadisələr
Ərazi polislər tərəfindən mühasirəyə alınıb Bakı şəhərinin Binəqədi rayonunda əl qumbarası tapılıb. Azərbaycan Ərazilərinin Minalardan Təmizlənməsi üzrə Milli Agentlikdən (ANAMA) BakuCity.az-a verilən məlumata görə, yanvarın 22-si saat 13:34-də Fövqəladə Hallar Nazirliyinin (FHN) Böhran Vəziyyətlərində İdarəetmə mərkəzindən və saat 13:42-də Daxili İşlər Nazirliyinin ″102″ Xidməti-Zəng mərkəzi sistemindən Agentliyə Bakı şəhəri, Binəqədi rayonu, 2-ci mədən 9...
Cəmiyyət
Rezidenturaya qəbulun birinci mərhələsi aprelin 19-da keçiriləcək 2020-ci ildə Dövlət İmtahan Mərkəzi (DİM) tərəfindən keçirilməsi nəzərdə tutulan rezidenturaya qəbul, buraxılış və ali təhsil müəssisələrinin bakalavriat səviyyəsinə qəbul imtahanlarının tarixləri müəyyən olunub DİM-dən BakuCity.az-a verilən məlumata görə, bir müddət öncə 2020-ci ilin ilk 3 ayı ərzində DİM tərəfindən keçirilməsi nəzərdə tutulan magistratura və doktoranturaya qəbul imtahanlar...
Cəmiyyət
"Jeep" əks yola çıxıb Bakıda 90-VH-607 dövlət nömrə nişanlı, “Jeep” markalı avtomobil əks yola çıxmağına peşman olub.  BakuCity.az Oxu.az-a istinadən xəbər verir ki, “Niva” markalı avtomobilin sürücüsü həmin şəxsi qaydaları pozduğuna görə peşman edib.  Avtomobillər bir neçə dəqiqə yolun ortasında hərəkətsiz dayanıb. Daha sonra “Jeep” qismən sağa manevr edərək “Niva”ya yol verməli olub. BakuCity.az
Cəmiyyət
"Çox təəssüf, işçi heyətimizin sayına yenidən baxmalı olacağıq" "Müəssisəmiz son illərdə külli miqdarda zərərlə fəaliyyət göstərir”. BakuCity.az xəbər verir ki, Bunu Qaynarinfo-ya "Azərsun Holdinq” MMC-dən İmişli Şəkər Zavodunda 500 fəhlənin işdən çıxarılmasına münasibət bildirilərkən deyilib. Holdinq bəyan edir ki, "Azərbaycan Şəkər İstehsalat Birliyi” MMC-nin İmişli rayonunda yerləşən şəkər emalı zavodu ciddi böhran vəziyyəti ilə qarşılaşıb: "Belə ki, 20...
Kriminal
Avtobuslarda da cibgirlik edib Daxili İşlər Nazirliyinin (DİN) xəstəxanada körpədən telefonu alıb aparan şəxsin görüntüsünü yayıb. DİN-in Mətbuat xidmətindən BakuCity.az-a verilən məlumata görə, Bakı Şəhər Baş Polis İdarəsi (BŞBPİ) Cinayət Axtarış İdarəsi və Metropolitendə Polis Şöbəsinin əməkdaşları tərəfindən metro stansiyalarında, vaqonlarda və platformalarda sərnişinlərin sıx olduğu vaxtlarda cibgirliklə məşğul olan şəxs saxlanılıb. Keçirilən əməliyyat...
Cəmiyyət
Avtobuslarda xüsusi mexanizm quraşdırılıb 199 nömrəli müntəzəm marşrut xətti üzrə sərnişindaşımaya 12 metrlik "İsuzu Citiport" markalı avtobuslar cəlb ediləcək. Bakı Nəqliyyat Agentliyindən BakuCity.az-a verilən məlumata görə, agentliyin tələbinə əsasən, “Xaliq Faiqoğlu” şirkəti hazırda xətt üzrə istismarda olan avtobuslardan 20 ədədini 12 metrlik "İsuzu Citiport" markalı nəqliyyat vasitəsi ilə əvəz edib. Sərnişindaşıma tələblərinə cavab verən avtobuslar s...
Mədəniyyət
Mahnının xronometrajı maksimum 3 dəqiqə olmalıdır "Eurovision" mahnı müsabiqəsində Azərbaycanın iştirakı ilə bağlı milli seçim turunda mahnı qəbuluna başlanılıb. İctimai Televiziya və Radio Yayımları Şirkətindən BakuCity.az-a bildirilib ki, “Eurovision - 2020” üçün mahnı seçimində iştirak etmək istəyənlər 7 fevrala qədər öz mahnılarını [email protected] elektron ünvanına və ya (050) 235 85 65 whatsapp nömrəsinə göndərə bilərlər. Azərbaycan üzrə rəsmi y...
Cəmiyyət
Satışına məhdudiyyət qoyulmuş həblər tapılıb Bakıda aptek işçiləri narkotik vasitələri satarkən saxlanılıblar. Bu barədə BakuCity.az-a Daxili İşlər Nazirliyinin (DİN) Mətbuat Xidmətindən məlumat verilib. Belə ki, DİN Baş Narkotiklərlə Mübarizə İdarəsi əməkdaşlarının daxil olan məlumat əsasında keçirdikləri əməliyyat-axtarış tədbirləri nəticəsində Xətai rayonu ərazisindəki apteklərin birində, əczaçı işləyən Abşeron rayon sakini M.Salmanov və Bakı şəhər saki...