Uşaqlarına işgəncə verildiyi deyilən ata və ögey ana efirdə: "Babaları böhtan atır" - VİDEO

Uşaqlarına işgəncə verildiyi deyilən ata və ögey ana efirdə: "Babaları böhtan atır" - VİDEO

"Özləri uşaqları bu cür ediblər"

Bir neçə gündür iki azyaşlı uşağa şiddət göstərməkdə ittiham olunan ata Xaqani Kazımov və ögey ana Nuranə “Səni axtarıram” verilişinə qatılıb.

BakuCity.az “Qafqazinfo”ya istinadən xəbər verir ki, onlar canlı yayıma çıxaraq iddialara cavab veriblər.

X.Kazımov qayınatasının ona böhtan atdığını bildirib: “Heç bir işgəncə verməmişik. Məhkəmə qərarı ilə uşaqlar bizdə idi. 15-ci polis bölməsinin əməkdaşları evə gəldilər, qapını qırdılar. Birinci xanımımın atası bizi döydü. Əlimizdə bununla bağlı ekspertiziya rəyi var. Hansı valideyn uşaqlarını belə döyər? Özləri uşaqları bu cür ediblər. Evdən övladlarımı aparanda heç bir şeyləri yox idi. Təkcə qolu şişmişdi. O da ağacdan yıxılmışdı, yoxlatdırmışdıq, qırığı-çatı yox idi. Bizi şantaj edirlər. Uşaqları oktyabrın 22-dən aparıblar”.

Ögey ana Nuranə isə uşaqlara çox yaxşı baxdığını, uşaqları onlardan almaq üçün belə addım atdıqlarını qeyd edib:

Həmçinin oxu: Bakıda ata və ögey ananın işgəncə verdiyi uşaqların babası: “Xahiş edirəm, kömək edin” - VİDEO

“Guya yemək verməmişik. Allaha and olsun ki, belə şey yoxdur. Guya, ağızlarına istiot basmışam”.

Qeyd edək ki, iddiaya görə, Bakıda yaşayan Qulu və Hüseyn adlı qardaşların anası onlar körpə ikən vəfat edib. Himayəsində qaldığı ataları, Ağcabədi rayon sakini X.Əkbərov isə Nuranə adlı qadınla ailə qurub. Bundan sonra uşaqların atası həyat yoldaşı ilə birlikdə hər iki oğluna müxtəlif işgəncələr verib. 

Hadisə ilə bağlı cinayət işi açılıb.

Uşaqlarına işgəncə verildiyi deyilən ata və ögey ana efirdə: "Babaları böhtan atır" - VİDEO, fotoşəkil-1 Uşaqlarına işgəncə verildiyi deyilən ata və ögey ana efirdə: "Babaları böhtan atır" - VİDEO, fotoşəkil-2 Uşaqlarına işgəncə verildiyi deyilən ata və ögey ana efirdə: "Babaları böhtan atır" - VİDEO, fotoşəkil-3

BakuCity.az

Bakı azyaşlılar işgəncə ögey ana
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər