Bakıda gecələr bu geyimdən istifadə edin - Yol polisindən TÖVSİYƏ

Bakıda gecələr bu geyimdən istifadə edin - Yol polisindən TÖVSİYƏ

"Hər kəsin bu təbliğata qoşulmasını istəyirik"

Yol polisi Bakıda son günlər piyadaların ölümü ilə nəticələnən hadisələrin artması ilə əlaqədar sürücülərə və piyadalara müraciət edib.

Bakı Şəhər Dövlət Yol Polisi İdarəsinin İctimaiyyətlə əlaqələr bölməsinin rəisi, polis polkovniki Vaqif Əsədov BakuCity.az-a bildirib ki, maarifləndirmə yolu ilə piyadaları və sürücüləri bu cür bədbəxt hadisələrdən qorumaq lazımdır:

"Bakı şəhəri üzrə ümumi qəzaların nisbətinə baxanda piyadaların vurulması üstünlük təşkil edir. Bu da çox ciddi həyəcan siqnalının verilməsi deməkdir. Bu hallar bizi və Daxili İşlər Nazirliyinin rəhbərliyini çox ciddi narahat edir. “Yol hərəkəti haqqında” qanunun 40-cı maddəsi yaxşı öyrənilməli və tələbləri yerinə yetirməlidirlər. Tövsiyə edirik ki, yolun qaranlıq vaxtı piyadalar üzərində işıqqaytarıcı elementlər olan geyimlərdən mütləq istifadə etsinlər. Nəzərə alsaq ki, qış mövsümidir, qaranlıq tez düşür.

Həmçinin oxu: Bakıda "KamAZ" iki tələbəni vurub öldürdü - HADİSƏ ANININ VİDEOSU

İkinci məsələ, qulaqlıqdan istifadə ətrafdakı avtomobillərin səsini eşitməyə imkan vermir. Üçüncüsü, yolun hərəkət hissəsi ilə getmək olmaz. Yağışlı havada yolun hərəkət hissəsi ilə getmək isə riski daha da artırır. Çünki yağış işığı udur, bu gün piyadaların əksəriyyəti də tünd rəngli geyimlərdən istifadə edirlər. Bu rənglər də işığı udduğu üçün sürücülər onları görə bilmir.

Buna görə də piyadalar səki ilə hərəkət etməlidir, yolu piyadalar üçün nəzərdə tutulan yerlərdə keçməlidir, onların üzərində işıqqaytarıcı elementlər olmalıdır, yaxınlaşmaqda olan avtomobillər diqqət etməlidir, onların sürətini qiymətləndirməyi bacarmalıdır, yaxınlaşan avtomobilin qarşısından qaçmamlıdır, onları çaşdırmamalıdırlar. Avtomobillərin tam dayandığına əmin olub yolu keçmək üçün ona yol verdiyinə əmin olduqdan sonra yolu keçsinlər. 

Sürücülərə müraciət edirik ki, işıq cihazlarından düzgün istifadə edin, tələsməyin, sürət həddinə fikir verin, yolun sağ hərəkət solağı ilə hərəkət etdikdə sürəti aşağı salın. Xahiş edirik, bu prosesdə hər kəs öz məsuliyyətini dərk etsin. Bu hadisələr bizi çox narahat edir. Hər kəsin bu təbliğata qoşulmasını istəyirik”.

Qeyd edək ki, bu ilin 11 ayı ərzində piyadaların vurulması ilə nəticələnən 294 yol qəzası baş verib, bu hadisələr zamanı 107 nəfər ölüb, 187 nəfər isə xəsarət alıb.

BakuCity.az

Bakı piyada yol polisi
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər