Yeni vergi rejimi mənzil bazarındakı qiymətlərə necə təsir edəcək?

Yeni vergi rejimi mənzil bazarındakı qiymətlərə necə təsir edəcək?

Son nəticədə vergi uçotunun aparılmasına nail olunacaq

Azərbaycanda tikinti sahəsində yeni vergi rejiminin tətbiqinin mənzillərin satış qiymətinə əhəmiyyətli təsiri olmayacaq.

BakuCity.az xəbər verir ki, bunu daşınmaz əmlak üzrə ekspert Nüsrət İbrahimov gələn ildən qüvvəyə minəcək Vergilər Məcəlləsindəki dəyişikliklərin mənzil bazarındakı qiymətlərə təsirini "APA-Economics"ə şərh edərkən bildirib.

"Tikinti şirkətlərinin marjası əvvəlkinə nisbətən xeyli azalsa da yenə də böyükdür. Əvvəllər marja 80% idisə, hazırda 35-40% civarındadır. Qeyd edək ki, ümumilikdə sənayedə bu göstərici 10-20%-dir. Ona görə də mənzillərin satış qiymətlərinə təsiri inandırıcı deyil", - deyə N. İbrahimov bildirib.

Həmçinin oxu: Kirayə mənzillərlə bağlı - MÜHÜM YENİLİK

Onun sözlərinə görə, bu addım tikinti sektorunda mühasibatlıq uçotunun normal vəziyyətə gətirilməsi və ölkə üzrə mərkəzləşdirilmiş statistik rəqəmlərə çıxmaq üçün atılır: "Bu dəyişiklik tikinti şirkətlərinin hesabatlarını düzgün hazırlamağı üçündür. Son nəticədə vergi uçotunun aparılmasına nail olunacaq".

Qeyd edək ki, Vergi Məcəlləsinə dəyişikliklərə əsasən, gələn ildən bina tikintisi fəaliyyəti ilə məşğul olan şəxslərin sadələşdirilmiş vergitutma metodu ləğv ediləcək və həmin şəxslərin vahid vergi rejimində (ƏDV və mənfəət vergisi metodu) fəaliyyət göstərməsi təmin olunacaq.

BakuCity.az

Bakı mənzillər vergi
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər