Bakıda ləzzətli balıq yeməkləri harada verilir? - SİYAHI + QİYMƏTLƏR

Hər zövqə görə balıq yeməkləri

Bakıda, xüsusilə, soyuq mövsümdə balıq yeməklərini bəyənməyən az adam tapılar. Paytaxtda yalnız balıq yeməkləri təqdim edən bir neçə restoran var. Həm də elə məkanlar var ki, orada standart menyudan əlavə, müxtəlif növ balıqlardan hazırlanan yeməkləri də seçmək olar. 

BakuCity.az nərə balığı, qızılbalıq, kütüm, alabalıq, ağbalıq, karp, kefal və digər balıqların dadına baxa biləcəyiniz restoranların kiçik siyahısını hazırlayıb.

Darya Fish House

Xəzər dənizinin sahilində yerləşən balıq konsepsiyası ilə populyar olan Bakı restoranlarından biridir. Bu müəssisə ailəvi tədbirlər üçün idealdır və paytaxt qonaqları arasında da məşhurdur.

Burada qiymətlər olduqca münasibdir. Menyuya kütüm, alabalıq, kefal, karp, sıf kimi balıqlar daxildir. Yeməklər daha ləzzətli olsun deyə, narşərab (1 manat), turşu (1 manat), zeytun (2 manat), manqal salatı (2 manat) və digər qəlyanaltılar sifariş edə bilərsiniz. 

Shafa Fish Garden

Dəniz kənarında yerləşir. Ailəvi yığıncaqlar üçün əla məkandır, oyun meydançası da var.

Balıq yeməkləri həmişə təzə göyərti və tərəvəzlərlə təqdim edilir. Restoranın qonaqları aşpaza çox vaxt alabalıq sifariş edirlər.

Farel

Bu restoran şəhər ətrafında yerləşir və sanki qədim bir kənddə təbiətlə təmasda olmaq təəssüratı yaradır.

Restoranda ən populyar yemək közdə bişirilən nərə balığıdır. Restoranın müştəriləri ən çox bu yeməyi sifariş verirlər.

Nar And Sharab

Burada müxtəlif balıq yeməklərini, habelə zərif ləzzət sayılan qırmızı və qara kürünü sınaya bilərsiniz.

Kürü yalnız soyuq qəlyanaltı kimi deyil, isti yeməklərdə də verilir. Bu restoranda balıq yeməklərinin seçimi olduqca zəngindir.

Həmçinin oxu: Bakıda xaş mövsümü başladı – Həkim məsləhəti və restorandakı QİYMƏTLƏR

Fisincan

Restoranda yalnız balıq yeməkləri deyil, digər yeməklər də olduqca zəngindir: plovun müxtəlif növləri, salatlar, pizza, qəlyanaltılar və əlbəttə ki, balıq.

Restoranın interyerini də qeyd etmək lazımdır: bura meqapolis arasında divarları boz daşlarla əhatələnmiş qədim Azərbaycan evlərinə bənzəyir və belə dizayn insanda rahatlıq hissi yaradır. 

Sherlocks

Paytaxtın balıq yeməklərinin zəngin seçimi ilə fərqlənən restoranıdır. Məkanın salonu zərifliyi və rahatlığı ilə diqqəti çəkən Avropa üslubunda hazırlanıb.

Restoranın özəlliklərindən biri hər axşam xarici musiqilərin yeni janrlarının təqdim olunmasıdır.

L'Avenue

Balıq yeməklərinin pərəstişkarlarının sevdiyi digər məkanlardan biri də Xəzər dənizi sahilində, Bayraq Meydanı yaxınlığında yerləşən bu lüks restorandır.

BülBül Balıq Evi

Bu balıq evi Bibi Heybət məscidinin yaxınlığında yerləşir. Dənizə baxan geniş panoramalı pəncərələri olan bir restorandır. Burada ənənəvi balıq yeməklərinin seçimi olduqca müxtəlifdir və bütün bunlar ən cəlbedici qiymətlərlə sizə təqdim olunur. Buradakı müxtəlif qəlyanaltılar, souslar, turşular və narşərabları 1-4 manata almaq olar.

Nuş olsun!

Züleyxa İsmayılova

ВakuCity.az