Bakıda 18 məktəb direktoru işdən çıxarılıb

Bakıda 18 məktəb direktoru işdən çıxarılıb

563 müəllimlə müddətli müqavilə bağlanıb

Bakı Şəhəri üzrə Təhsil İdarəsinin (BŞTİ) tabeliyindəki təhsil müəssisələrinə cari il ərzində 26 nəfər direktor vəzifəsinə işə qəbul edilib.

BakuCity.az-ın məlumatına görə, bunu İdarənin müdiri Rəşad Tağıyev deyib.

Onun sözlərinə görə, 13 direktorun iş yeri dəyişdirilib:

"111 məktəb direktorunun müddətli əmək müqaviləsinin vaxtı uzadılıb. Çalışmanın yaş həddinə çatmış 30 direktorla müqavilənin müddəti cari tədris ili çərçivəsində uzadılıb. 18 direktorla bağlanmış əmək müqaviləsi ləğv edilib".

R.Tağıyev bildirib ki, bu il müəllimlərin işə qəbulu müsabiqəsinin müddətli müqavilə ilə işə qəbul üzrə elektron yerləşdirmə prosesi nəticəsində 1099 nəfər namizəd müddətli müqavilə ilə işə qəbul üçün göndərilib:

"563 müəllimlə müddətli müqavilə bağlanıb. BŞTİ-nin tabeliyindəki müəssisələrdə çalışmanın yaş həddinə çatmış 1245 işçidən 563 nəfəri ilə dərs ilinin sonunadək müddətli müqavilənin bağlanması məqsədəuyğun hesab edilib".

BakuCity.az

Bakı məktəb direktoru müqavilə
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər