Bakının futbol klubunun prezidenti və məşqçi saxlanıldı

Bakının futbol klubunun prezidenti və məşqçi saxlanıldı

Danışılmış oyunlarla bağlı izahatları alınır

Bakının “Keşlə” futbol klubunun fiziki hazırlıq üzrə məşqçisi Mehman Babayev hüquq-mühafizə orqanları tərəfindən saxlanılıb.

BakuCity.az “Sportinfo”ya istinadən xəbər verir ki, Tərlan Əhmədovun köməkçisi komandanın dünənki məşqindən dərhal sonra bölməyə aparılıb.

Məşqçinin danışılmış oyunlarla bağlı aparılan araşdırma çərçivəsində saxlanıldığı ehtimal olunur.

“Binə” klubunun prezidenti Teymur Həsənli də saxlanılıb. Onun da adı oyunların nəticəsinin manipulyasında hallanır. Güman olunur ki, T.Həsənlinin məsələsi “Binə”nin birinci divizionda çıxış etdiyi 2017-2018 mövsümü ilə bağlıdır.

Həmin mövsümdə komanda aşağı dəstədə 7-ci yeri tutmuşdu. Komandaya o ərəfədə hazırda “Keşlə”də Tərlan Əhmədovun köməkçisi olan Mehman Babayev başçılıq edirdi.

"Keşlə" klubu əsas komandanın məşqçisi Mehman Babayev və komandanın inzibatçısı Asəf Səfərovun danışılmış oyunlarla bağlı aparılan araşdırmalar çərçivəsində hüquq-mühafizə orqanlarına dəvət olunmaları ilə bağlı bəyanat yayıb.

Rəsmi açıqlamada adı çəkilən şəxslərin 2017-ci ildə “Binə” futbol klubundakı fəaliyyətlərinə görə izahat verdikləri bildirilir:

"Keşlə" klubu müvafiq araşdırmanın nəticələrindən sonra Mehman Babayev və Asəf Səfərovla bağlı yekun qərarını ictimaiyyətə açıqlayacaq. 

Qeyd etmək istəyirik ki, aparılan araşdırmaların “Keşlə” futbol klubuna heç bir aidiyyəti yoxdur. Klubumuz idman oyunlarının nəticələrinin manipulyasiyasında iştirak edən şəxslərin əməllərini pisləyir və layiqli şəkildə cəzalandırılmalarını, futbolunun inkişafı istiqamətində atılan addımları yüksək qiymətləndirir.

Hər iki şəxs araşdırmalar bitənədək klubdan müvəqqəti kənarlaşdırılıb”.

BakuCity.az

Bakı "Keşlə" klubu məşqçi danışılmış oyunlar
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər