Bakıda 2020-ci ili hansı geyimdə qarşılamalıyıq? - Stilist məsləhəti + QİYMƏTLƏR

İlin son gecəsinə az qaldı

Yeni il gecəsi toplaşdığımız hər hansı bir məkanda – klubda, restoranda və ya evdə xüsusilə gözəl görünməyə çalışırıq. Gələn ilin simvolu zəriflik və firavanlıq rəmzi olan ağ metal rəngli siçan olacaq.

Stilist, moda bloqeri Aynur Gözəl BakuCity.az-a açıqlamasında ilin son gecəsi üçün necə geyim seçməkdən danışıb.

Onun sözlərinə görə, demək olar, hər il bayram üçün ən çox üstünlük verilən seçim parlaqlıq və dəbdəbədir:

“Bayram gecəsi, əsasən, əlvanlıqla, parlaqlıqla göz oxşamağa üstünlük verilir. Hər şey “Disco Ball” adlanan tərzdə olmalıdır. Buna görə qısa parlaq paltarlar daha aktual olacaq".

A.Gözəl qeyd edib ki, Yeni il gecəsindəki parlaqlıq kişilərin qarderobunda da özünü göstərməlidir. Məsələn, kişilər parlaq köynək geyinə bilərlər. Həmin axşam klassik geyimlərdən uzaqlaşmalı və çox populyar olan “Party” stilini sınamalısınız:

"Rəng seçimində də əlvanlığa önəm verilməlidir: moruq, şərab rəngli, yaşıl, bənövşəyi, boz, qırmızı və qara. Rəng seçiminə çox da vaxt ayırmayın, əsas odur ki, əlvan olsun. Bu il partilərin əksəriyyəti 80-90-cı illərin üslubunda təşkil ediləcək. Artıq bu tendensiya geyimdə aktualdır, buna görə də ziyafətlərin tematikası da buna uyğun olacaq.

Həmçinin oxu: Evdə bayram ab-havası yaratmaq neçəyə başa gəlir? - Yarmarkalardakı QİYMƏTLƏR

Təbii ki, Yeni il gecəsi üçün stil və makiyaj haqqında çox danışa bilərik, amma bu mövsümün əsas tendensiyası, qeyd etdiyim kimi, qatılacağınız ziyafətin tərzidir. Əlbəttə ki, Yeni ili harada və necə qeyd etməyi planlaşdırmağınızdan da çox şey asılıdır”.

Stilist, həmçinin güclü cinsin nümayəndələrinin Yeni ili necə qarşılayacağına da toxunub:

“Kişilərə Yeni il gecəsi ciddi kostyum geyinməyi məsləhət görmürəm. Bu, həm narahatlıq yaradır, həm də bu ilin tərzinə uyğun deyil. Əgər qarşı cinsdən olan kimlərsə ölkəmiz üçün xarakterik olan geyimləri sevmirsə, həmin adamlara maraqlı şəkilli və bəzəkli fanti tişört geyinməyi məsləhət görərdim. Əlvan rəngli corablardan da istifadə etmək olar. Əsas odur ki, bayramın keçiriləcəyi yeri və şənliyin tərzini düzgün müəyyənləşdirək”.

Öz növbəsində, stilist Fəridə Həsənova paytaxt mağazalarında Yeni il gecəsinə tam uyğun gələn kostyumlar barədə məlumat verib:

“Əlbəttə, özünüzü rahat hiss etdiyiniz paltarları geyinmək yaxşıdır. Təbii ki, bayram paltarı seçmək şənliyin keçiriləcəyi yerdən asılıdır, çünki uyğunluq həmişə vacibdir. Korporativ üçün şalvarlı kostyum, lələklərlə və ya piləklərlə bəzədilmiş atlaz materialdan kombinezon, yaxud gecənin əlamətdarlığını bildirən elementlərdən hazırlamış geyimlər daha çox uyğundur. Ciddi kostyumlar geyinərkən iri aksesuarlar – sırğalar, boyunbağılar, kəmərlər və açıq tuflilərə üstünlük verilməlidir”.

Stilist restoranda və ya qonaqlıqlarda Yeni il gecəsi üçün açıq, tül köynəklər (orqanza) geyinməyi, bunları 80-90-cı illərin üslubundakı dəri şalvar və ya yubkalarla uyğunlaşdırmağı məsləhət görür:

“Yeni ildə kişilərə geyimlərində Britaniya və ya Amerika tərzində seçim etməyi məsləhət görürəm: klassik kostyum, dama-dama köynək, fərqli və ya ayaqqabı”.

Yerli mağazalarda stilistlərin qeyd etdiyi trendləri tapmaq çətin deyil. Oxuculara bayram gecəsi üçün ən aktual qadın geyim brendlərini, habelə onların qiymətlərini təqdim edirik:

Yeni il gecəsində hər kəsə parlaq olmağı arzulayırıq!

Züleyxa İsmayılova

BakuCity.az