Bakıda tələbə və məzunları arasında suvenir dizaynı müsabiqəsi elan edilir

Bakıda tələbə və məzunları arasında suvenir dizaynı müsabiqəsi elan edilir

Qaliblər martın 1-də elan olunacaq

Azərbaycan Turizm Bürosu 2020-ci ilin aprel ayında Bakıda keçiriləcək "Travel Business Azerbaijan 2020" beynəlxalq tədbiri çərçivəsində tələbələr və son 2 ilin məzunları arasında suvenir dizaynı müsabiqəsi elan edir.

Dövlət Turizm Agentliyindən BakuCity.az-a verilən məlumata görə, müsabiqənin məqsədi tələbələr üçün yaradıcı mühitin formalaşdırılması və nəticədə yeni turizm məhsulunun ərsəyə gətirilməsidir.  

Tələbələr tərəfindən dizayn olunacaq suvenirlər "Travel Business Azerbaijan 2020" tədbiri çərçivəsində iştirakçılara hədiyyə ediləcək. 

Müsabiqədə 1-ci yeri qazanmış iştirakçı sertifikat, qrafik planşet və Azərbaycan Turizm Bürosunda layihənin dizayn komandasında 3 və ya 6 aylıq təcrübə proqramı əldə edəcək. 2-ci və 3-cü yerə layiq görülmüş iştirakçılar isə sertifikat və qrafik planşetlərlə mükafatlandırılacaqlar.

Müsabiqə qalibləri martın 1-də elan olunacaqlar.

Yanvarın 12-dək davam edəcək müsabiqədə iştirak etmək üçün aşağıdakı linkə daxil olaraq qeydiyyatdan keçmək mümkündür: https://bit.ly/38eKjgG

Əlaqələndirici şəxs: Leyla Musayeva (elektron poçt ünvanı: [email protected])

Bakıda tələbə və məzunları arasında suvenir dizaynı müsabiqəsi elan edilir, fotoşəkil-1

BakuCity.az

Bakı turizm dizayn müsabiqə
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər