Bankların Yeni il kampaniyaları - HƏDİYYƏLƏR

Bankların Yeni il kampaniyaları - HƏDİYYƏLƏR

Fürsətləri qaçırmayın

Yeni il bayramı ilə əlaqədar olaraq ölkədə fəaliyyət göstrərən 30 bankdan bir neçəsi sərfəli şərtlərlə kredit və digər bank xidmətləri təklif edir.

BakuCity.az FED.az-a istinadən Yeni il bayramı ilə əlaqədar kampaniya təklif edən bankları təqdim edir:

“AccessBank”

İstehlak krediti əldə etmək istəyən müştərilər üçün “AccessBank”dan ilin son fürsəti. 30 000 manatadək krediti 36 aya qədər, illik 16.5% faiz dərəcəsi ilə və 0% komissiya ilə əldə edə bilərsiniz. Fürsətlər bununla da bitmir. Belə ki, 15 000 manatadək krediti zaminsiz ala bilərsiniz.

“AFB Bank”

2AFB Bank”da sərfəli qış kampaniyası. Bank nağd pul kreditinin illik faiz dərəcəsini 2% endirib. Bundan başqa, kredit 0%-lik komissiya ilə təklif olunur. 20 min manatadək nağd krediti illik 16% əldə etmək mümkündür.

“AtaBank”

“AtaBank” “Yeni ilə iPhone ilə” kampaniyasını davam etdirir. Belə ki, bankın Yeni il kampaniyasında iPhone 11, Pro və Pro Max, İsma Bike, Uludağ, Şri-Lanka, Şarm əş-Şeyx və Dubayın 5 ulduzlu hotellərində istirahət etmək imkanı var. Bu hədiyyələrdən qazanmaq üçün 31 dekabra qədər banka əmanət yerləşdirmək lazımdır.

Azərbaycan Beynəlxalq Bankı

31 Dekabr - Dünya Azərbaycanlılarının Həmrəyliyi Günü və Yeni il ərəfəsində Azərbaycan Beynəlxalq Bankı xüsusi kampaniya təklif edir.

Yanvarın 15-dək davam edəcək kampaniya dövründə Azərbaycan Beynəlxalq Bankından “Tamkart” sifariş vermiş müştərilər kampaniya müddətində bu kartla ölkə xaricində apardıqları nağdsız ödənişlərə görə 3% “cashback” qazanacaqlar. Üstəlik, 5 illik “Tamkart Classic” kartı kampaniya zamanı müştərilərə pulsuz, “Tamkart Gold”, “Tamkart Platinum” və “Tamkart Premium” kartları isə xidmət haqqında 50% endirimlə veriləcək.

“Azər Türk Bank”

Qış kampaniyasına start verən banklardan biri də “Azər Türk Bank”dır.

31 yanvar 2020-ci il tarixinə qədər zaminlə 25 000 manat, zaminsiz 15 000 manat nağd krediti 16%-dən əldə etmək ümükündür. 21 aydan 48 ayadək kreditin aylıq ödənişini təyin edilən vaxtda və məbləğdə ödəyin, hər ay hesabınıza 1.5% “cashback” qazanın.

“Bank of Baku”

“Bank of Baku” hər kəs - təqaüdçülər, dövlət və ya özəl şirkətlərdə çalışan şəxslər üçün rəsmi gəlirin 20 misli qədər, 30 min manatadək 48 aylıq kredit təklif edir.

Üstəlik, kredit alan şəxslər eyni zamanda “İndi al, 2020-də ödə!” kampaniyasından faydalanaraq, kredit üzrə əsas borc ödənişinə 2020-ci ildən başlayacaqlar.

“Bank Respublika”

“Bank Respublika” “İş adamları üçün faizləri dondurduq” şüarı ilə əla Yeni il kampaniyasına başlayıb. Belə ki, dekabrn 31-dək mikro kreditləri 11%-dən başlayan 0% komissiya ilə əldə etmək mümkündür.

“Bank VTB Azərbaycan”

Bank müştərilərinə planlarını gələn ilə saxlamamağı tövsiyyə edir. Bank 10%-lə 10 min manatadək nağd pul krediti təklif edir. Aşağı faiz dərəcəsi ilk üç ay müddətində - 25 noyabr 2019-cu ildən 25 fevral 2020-ci ilədək qüvvədədir.

“Expressbank”

Yeni il bayramı ilə əlaqədar olaraq bankın faizsiz taksit kartı olan “Smilecard” ilə istənilən yerdə ödəniş edib, xərclədiyiniz məbləği 6 (6% komissiya ilə) və ya 12 aya (12% komissiya ilə) ödəyə bilərsiniz. Alış-veriş zamanı xərclənən məbləğdən 30%-dək “cashback” geri qaytarılacaq. “Smilecard” ilə ödənişi nəinki faizsiz, tam komissiyasız etmək istəyənlər üçün də fürsət var.

“Unibank”

“Unibank” Yeni il hədiyyəsi olaraq bonusları hədiyyələrə çevirmək imkanı verir. Belə ki, bankın “Unibank mobile” tətbiqini yükləyərək bonuslar qazanmaq, daha sonra həmin bonusları hədiyyələrə çevirmək olar.

Bundan başqa, bank bir çox mağazalarla əməkdaşlığı çərçivəsində müştərilərinə 20% güzəşt əldə etməyə imkan yaradır.

BakuCity.az

Bakı Yeni il banklar kampaniyalar
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər