Sabir parkı: keçmişlə gələcək arasında yaşıl sahə - FOTO

Sabir parkı: keçmişlə gələcək arasında yaşıl sahə - FOTO

Böyük Azərbaycan şairinin xatirəsinə

BakuCity.az şəhərin məşhur, qədim park və bağlarından bəhs etməyə davam edir. Bu gün kiçik, lakin olduqca rahat bir yerdən – İçərişəhərin qala divarlarının qarşısında, AMEA Rəyasət Heyətinin binasının (köhnə “İsmailiyyə”) yanında yerləşən, böyük Azərbaycan şairi və satiriki Mirzə Ələkbər Sabirin adını daşıyan park haqqında məlumat verəcəyik.

Meydan necə yarandı?

Park 1922-ci ildə, köhnə “Kaspi” mətbəəsinin yerində salınıb. Bu yaşıl sahənin layihəsi memar Ələsgərov tərəfindən hazırlanıb. Sabirin xatirəsinə heykəl isə Qala divarlarının qarşısında heykəltəraş Y.Keylixis və memar Y.Sırişev tərəfindən qoyulub.

Bura əvvəllər ərazisi bir əsr ərzində tədricən böyüyən və landşaft dizaynı yaradan kiçik bir meydan idi. Qala divarları qarşısında böyük açıq ərazi təşkilinə qərar verildi ki, bu da bağa onu digər Bakı parklarından fərqləndirən bənzərsiz görünüş qazandırdı.

Sabir parkı: keçmişlə gələcək arasında yaşıl sahə - FOTO, fotoşəkil-1 Sabir parkı: keçmişlə gələcək arasında yaşıl sahə - FOTO, fotoşəkil-2

Həmçinin oxu: Zorge parkının tarixçəsi, bakılı kəşfiyyatçının iti baxışları - FOTO

1958-ci ildə əvvəlki abidənin yerində yeni abidə ucaldılıb. Bu dəfə müəlliflər heykəltəraş Cəlal Qaryağdı, memarlar N.Əlizadə və E.İsmayılov idi. Qara mərmər və qranitdən hazırlanmış abidənin ikinci variantında şair öz kürsüsündə oturaraq yeni şah əsərini yaradan vəziyyətdə təsvir edilib.

Müasir dövrdə

Bu gün tələbələr, yaşlı vətəndaşlar, analar, körpələr və təbii ki, turistlər bu parkda istirahət etməyi sevirlər. Sabir bağında kölgə verən səxavətli ağacların altında çoxlu skamyalar var.

Park avtomobil yoluna baxır, lakin bu, təbiətdən zövq almağa heç bir mane olmur. Əksinə, burada sakitcə oturmaq, istirahət zonasının çoxsaylı bitkilərinin havasında nəfəs almaq, maşınların sürətlə hərəkətini və işə tələsən bakılıları seyr etmək xoşdur.

Parkın hər bir hissəsində yaşıl qazon var. Gül-çiçək, şam ağacları və kiçik palmalar parka ekzotik gözəllik qatır. Zərif işıqlandırma bakılılara axşam saatlarında da bu parkda rahat gəzmək imkanı verir.

Sabir parkı: keçmişlə gələcək arasında yaşıl sahə - FOTO, fotoşəkil-3 Sabir parkı: keçmişlə gələcək arasında yaşıl sahə - FOTO, fotoşəkil-4 Sabir parkı: keçmişlə gələcək arasında yaşıl sahə - FOTO, fotoşəkil-5 Sabir parkı: keçmişlə gələcək arasında yaşıl sahə - FOTO, fotoşəkil-6 Sabir parkı: keçmişlə gələcək arasında yaşıl sahə - FOTO, fotoşəkil-7 Sabir parkı: keçmişlə gələcək arasında yaşıl sahə - FOTO, fotoşəkil-8

Züleyxa İsmayılova

Foto: Nicat Alili

BakuCity.az

Bakı Sabir parkı
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər