Şəhid ailələri və müharibə əlillərinə daha 36 mənzil verildi - FOTO

Şəhid ailələri və müharibə əlillərinə daha 36 mənzil verildi - FOTO

Milli Qəhrəman Cavanşir Rəhimovun ailəsinə də üçotaqlı mənzil verildi

Bu gün Əmək və Əhalinin Sosial Müdafiəsi Nazirliyi tərəfindən Bakının Qaradağ rayonunda  və Abşeron rayonunun Məmmədli kəndində yeni yaşayış binalarından alınmış 36 mənzil şəhid ailələrinə və ölkəmizin ərazi bütövlüyünün, müstəqilliyinin və konstitusiya quruluşunun müdafiəsi ilə əlaqədar əliliyi olan vətəndaşlara təqdim edilib.

Nazirlikdən BakuCity.az-a verilən məlumata görə, Abşeron rayonunda mənzillərin təqdim edilməsi tədbirində Əmək və Əhalinin Sosial Müdafiəsi nazirinin müavini Anar Kərimov  Prezident İlham Əliyevin sosial cəhətdən həssas qruplardan olan vətəndaşlara xüsusi qayğısı nəticəsində həmin vətəndaşların sosial müdafiəsi tədbirlərinin ildən-ilə gücləndirildiyini vurğulayıb. Bildirib ki, ölkəmizin ərazi bütövlüyünün, müstəqilliyinin və konstitusiya quruluşunun müdafiəsi uğrunda döyüşlərdə şəhid olmuş insanların ailələrinin, bu döyüşlərdə əlil olmuş şəxslərin mənzillə təminatı proqramı da uğurla davam etdirilir.

Nazir müavini qeyd edib ki, ötən il bu kateqoriyadan olan vətəndaşlara nəzərdə tutulduğundan 3 dəfə çox olmaqla 626 mənzil verilmişdisə, 2019-cu ildə bundan 50 faizədək çox olmaqla 934 mənzil və fərdi ev verilməsi nəzərdə tutulub, onlardan artıq böyük əksəriyyəti təqdim edilib. Ümumilikdə indiyədək nazirlik tərəfindən şəhid ailələrinə və müharibə əlillərinə verilən mənzil və fərdi evlərin sayı artıq 7400-ə yaxındır. 

A.Kərimov  eyni zamanda bu il nazirlik tərəfindən 600 avtomobilin ölkəmizin ərazi bütövlüyünün, müstəqilliyinin və konstitusiya quruluşunun müdafiəsi ilə əlaqədar əlil olmuş vətəndaşlara verildiyini, qeyd olunan vətəndaşların indiyədək 6573 minik avtomobili ilə təmin edildiklərini deyib. 

Bu gün nazirlik tərəfindən Abşeron rayonunda  mənzillə təmin olunan şəhid ailələrindən biri də Azərbaycanın Milli Qəhrəmanı Cavanşir Rəhimovun ailəsidir. Milli Qəhrəmanın ailəsinə üçotaqlı mənzil təqdim edilib.

Yeni mənzillərlə təmin olunan şəhid ailələri və müharibə əlilləri onların rifah halının yaxşılaşdırılmasına göstərilən yüksək qayğıya, müasir tələblərə cavab verən yeni mənzillərlə təmin edildiklərinə görə Prezident İlham Əliyevə dərin minnətdarlıqlarını ifadə ediblər.

Şəhid ailələri və müharibə əlillərinə daha 36 mənzil verildi - FOTO, fotoşəkil-1 Şəhid ailələri və müharibə əlillərinə daha 36 mənzil verildi - FOTO, fotoşəkil-2 Şəhid ailələri və müharibə əlillərinə daha 36 mənzil verildi - FOTO, fotoşəkil-3 Şəhid ailələri və müharibə əlillərinə daha 36 mənzil verildi - FOTO, fotoşəkil-4 Şəhid ailələri və müharibə əlillərinə daha 36 mənzil verildi - FOTO, fotoşəkil-5 Şəhid ailələri və müharibə əlillərinə daha 36 mənzil verildi - FOTO, fotoşəkil-6 Şəhid ailələri və müharibə əlillərinə daha 36 mənzil verildi - FOTO, fotoşəkil-7 Şəhid ailələri və müharibə əlillərinə daha 36 mənzil verildi - FOTO, fotoşəkil-8

BakuCity.az

Bakı şəhid ailələri mənzil
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər