Vaqif Əsədov: “Bunları biz desək, onda deyəcəklər ki, yol polisi özünü tərifləyir”

Vaqif Əsədov: “Bunları biz desək, onda deyəcəklər ki, yol polisi özünü tərifləyir”

"Bizdə yol polisi ilə bağlı baş verən belə hadisələr bütün ölkələrdən öndədir"

Xəbər verdiyimiz kimi, qardaş Türkiyədə yol polisi əməkdaşları sürücüyə cərimə yazıblar və sonradan onun şəhid atası olduğunu biləndə yazdıqları cəriməni özləri ödəyərək şəhid atasından üzr istəyiblər. 

Bəs görəsən, bizim yol polisləri şəhid atasına və ya qardaşına nə vaxtsa belə bir jest edibmi? Edibsə, niyə bu günə kimi ictimailəşdirilməyib?

BakuCity.az-ın məlumatına görə, Moderator.az-ın sualını cavablandıran Bakı Şəhər Baş Polis İdarəsinin Dövlət Yol Polisi İdarəsinin Yol hərəkətinin təhlükəsizliyinin təbliği və İctimai qurumlarla əlaqə bölməsinin rəisi, polis polkovniki Vaqif Əsədov bu kimi hallarla polis əməkdaşlarının həmişə rastlaşdığını deyib:

“Mənə elə gəlir ki, yol polisi ilə bağlı belə hadisələr daha çox baş verir. Hesab edirəm ki, bizdə yol polisi ilə bağlı baş verən belə hadisələr nəinki qardaş Türkiyədən, bütün ölkələrdən öndədir. Yəni Azərbaycan polisində olan humanistlik, diqqət və qayğı, mənə elə gəlir ki, hər şeydən yüksəkdir. Bu gün Azərbaycan polisinin ictimaiyyətin rəğbətini qazanmaq və özünü sevdirmək, vətəntaş məmnunluğunun təmin edilməsi üçün etdikləri göz qabağındadır”.

Həmçinin oxu: Bakıda avtobus sürücüləri əks yola çıxdı, Vaqif Əsədov saxladı - VİDEO

V.Əsədov belə maraqlı hadisələrin mediada işıqlandırılmamasına da aydınlıq gətirib:

“Bu bizim mentalitetimizlə bağlıdır. Təsəvvür edin ki, dünən bir avtomobil yolda qaldığı üçün polis əməkdaşı sürücüyə kömək edərək avtomobili yolun hərəkət hissəsindən uzaqlaşdırıb. Bundan əvvəl yolun ortasında bir çuxur yaranıb və əməkdaşımız bel taparaq həmin yeri doldurub. Bunları biz desək, onda deyəcəklər ki, yol polisi özü öz fəaliyyətini tərifləyir. Əslində bunu sizlər və cəmiyyət yazmalıdır. Bu gün kimin nə problemi olursa, ilk olaraq polis yada düşür. Vətəndaşlarımızın məmnunluğu artıq yüksək səviyyədədir. Mən də bu gün Azərbaycan polisi olmaqdan qürur duyuram, sevinirəm ki, şərəfli bir peşə sahibiyəm və Azərbaycan kimi tanınmış bir dövlətin polis sıralarında xidmət edirəm”. 

BakuCity.az

Bakı Vaqif əsədov yol polisi
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər