Milyonlarla insan Yeni ili Bakıda qeyd etdi - FOTO

Milyonlarla insan Yeni ili Bakıda qeyd etdi - FOTO

Əvvəlki illərdən fərqli olaraq bu ilki şənliklərdə paytaxtımızda daha çox qonaq qeydə alınib

Dekabr ayının 31-dən yanvarın 1-nə keçən gecə Bakıda  keçirilən bayram şənliklərində rekord miqdarda insan iştirak edib.

Bakı Şəhər İcra Hakimiyyətindən BakuCity.az-a verilən məlumata görə Yeni il gecəsi yüz minlərlə, bəzi hesablamalara görə isə milyona yaxın insan Bakı şəhərinin mərkəzinə toplaşıb:

"Əvvəlki illərdən fərqli olaraq bu ilki şənliklərdə paytaxtımızda daha çox qonaq qeydə alınib. İnsanlar Bakıda yeni ili keçirmək üçün Azərbaycanın müxtəlif rayonlarından, eləcə də bir çox xarici ölkələrdən gəlmişlər. Bu ilin daha bir xüsusiyyəti paytaxtın küçə və parklarının bəzədilməsinə göstərilən xüsusi diqqət olmuşdur. Ölkə başçısının tapşırıqlarına əsasən Bakı Şəhər İcra Hakimiyyətinin struktur bölmələri  bayrama bir neçə həftə qalmış hazırlıq işlərinə başlamışlar. Paytaxtın bütün park və meydanları, Dənizkənarı Milli Bulvar,  əsas magistral yol və prospektlər, yol kənarlarınin bayramsayağı bəzədilməsi və işıqlandırılması şəhərimizə xüsusi xüsusi gözəllik verib. Parklarda yolkalar qurulub. Buradakı ağacların çilçıraqlarla bəzədilməsi, müxtəlif yeni il atributları və simvollarının quraşdırılması, bayram tərtibatı işləri həyata keçirilib. Bayram günlərində hər tərəfdən musiqi sədaları eşidilirdi. Şəhərdə bayram əhval-ruhiyyəsi hökm sürürdü".

Keçrilən bayram tədbirlərinin kulminasiyasi Dənizkənarı Milli Parkın ərazisində Dünya Azərbaycanlılarının Həmrəylik günü və Yeni il münasibətilə BŞİH-ti tərəfindən təşkil olunan atəşfəşanlıq olub ki, rekord sayda sakin və paytaxt qonaqları qatılıb.

Qurumdan onu da bildiriblər ki, bayram tədbirlərinin yüksək səviyyədə təşkili işində böyük əmək sərf etmiş çoxlu sayda insanın əməyini xüsusi qeyd etmək lazımdır:

"Şəhərin kommunal-təsərrüfat xidmətlətinin işçiləri, hüquq-mühafizə orqanlarının əməkdaşları, nəqliyyatçılar və bir sıra xıdmət sahələrinin işçiləri gücləndirilmiş reimdə çalışmışlar. Bayram günlərində paytaxtda təmizlik tədbirlərinin görülməsi, asayişin təminatı, qonaqların mənzil başına komfort çatdırılması böyük əmək tələb edirdi. Bütün gecəni xüsusi reimdə çalışan kommunal-təsərrüfat sahələri işçılərinin fədakar əməyi nəticəsində artıq yanvarın 1-i saat 06-00-da şəhərin park, meydan və küçələrində tam təmizlik hökm sürürdü.  

Milyonlarla insan Yeni ili Bakıda qeyd etdi - FOTO, fotoşəkil-1 Milyonlarla insan Yeni ili Bakıda qeyd etdi - FOTO, fotoşəkil-2 Milyonlarla insan Yeni ili Bakıda qeyd etdi - FOTO, fotoşəkil-3 Milyonlarla insan Yeni ili Bakıda qeyd etdi - FOTO, fotoşəkil-4 Milyonlarla insan Yeni ili Bakıda qeyd etdi - FOTO, fotoşəkil-5 Milyonlarla insan Yeni ili Bakıda qeyd etdi - FOTO, fotoşəkil-6 Milyonlarla insan Yeni ili Bakıda qeyd etdi - FOTO, fotoşəkil-7 Milyonlarla insan Yeni ili Bakıda qeyd etdi - FOTO, fotoşəkil-8 Milyonlarla insan Yeni ili Bakıda qeyd etdi - FOTO, fotoşəkil-9

BakuCity.az

Bakı Yeni il
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər