Bakıda uşaqlar üçün incəsənət müsabiqəsi keçiriləcək - FOTO

Bakıda uşaqlar üçün incəsənət müsabiqəsi keçiriləcək - FOTO

Müsabiqə yaş kateqoriyalarına görə keçirilir

Azərbaycan Gənclər İttifaqı və Azərbaycan Rəqs Assosiasiyasının təşkilatçılığı ilə yanvarın 12-də Rəşid Behbudov adına Dövlət Mahnı Teatrında “Ümid" Beynəlxalq incəsənət müsabiqəsi keçiriləcək.

BakuCity.az-ın məlumatına görə, yarışma yaş kateqoriyalarına görə keçirilir: 6 yaşa kimi, 10 yaşa qədər, 16 yaşa kimi, 16 yaş və yuxarı.

Azərbaycan Gənclər İttifaqının İdarə Heyətinin üzvü Əziz Əzizov saytımıza açıqlamasında belə yarışların keçirilməsində əsas məqsədin gənclərin kənarda qalmaması olduğunu bildirib:

“Məqsədimiz onların öz bacarıqları sayəsində uğurlar qazana bilməsi, səhnələrə çıxması və özlərini daha da inkişaf etdirməsinə səbəb olmaqdır. Məlumdur ki, yerlər münsiflər heyəti tərəfindən seçilir. Müsabiqənin iştirakçıları, qrup rəhbərləri yarışmadan sonra görkəmli, ad qazanmış, bu sahədə illərdir çalışan münsiflər heyətimizlə söhbətlər edə və məsləhətlər ala bilərlər. Ümid edirik ki, keçirdiyimiz və keçirəcəyimiz bütün müsabiqələr, festivallar, konsertlər bütün iştirakçılar üçün yararlı və uğurlu olacaq”.

Obyektivlik və dürüstlük naminə çıxışlar zamanı iştirakçıların hansı studiya və ya məktəbi təmsil etdiyi mükafatlandırma zamanı açıqlanacaq. Seçim iştirakçının qeydiyyat nömrəsi ilə aparılır.

Qeyd edək ki, müsabiqəyə təşkilati dəstəyi Azərbaycan Mədəniyyət Nazirliyi və "Jam Group”, informasiya dəstəyini isə BakuCity.az saytı göstərir.

Qeydiyyat üçün əlaqə nömrələri:
+994124925464
+994502502293
+994557079002

Ramilə Qardaşxanqızı

BakuCity.az 

Bakı incəsənət müsabiqəsi
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər