"Çin təqvimi üzrə Yeni il @Bakı" adlı silsilə tədbirlər keçiriləcək

"Çin təqvimi üzrə Yeni il @Bakı" adlı silsilə tədbirlər keçiriləcək

Açılış mərasimi 9 yanvarda keçiriləcək 

Bildiyimiz kimi, yanvarın 25-də Çin təqvimi üzrə ağ metal siçan ili başlayır. Bu da həmin 12 illik təqvimin ilk ili sayılır.

BakuCity.az xəbər verir ki, bu münasibətlə 10-18 yanvar tarixlərində Azərbaycan Milli Xalça Muzeyində “Çin təqvimi üzrə Yeni il @Bakı” adlı silsilə tədbirlər keçiriləcək.

Tədbirin açılışı 9 yanvar saat 19:00-da nəzərdə tutulub. 

Çin Xalq Respublikasının Azərbaycandakı səfirliyi və Azərbaycan Milli Xalça Muzeyinin təşkilatçılığı ilə baş tutacaq tədbirdə həftə ərzində Çin ənənəvi sənət nümunələri üzrə ustad dərsləri və mühazirələr təşkil olunacaq. Ecazkar ölkənin müxtəlif mənzərələrindən ibarət fotosərgi, videoçarx və ənənəvi bayram atributları əsl Çin Yeni ili ab-havası yaşadacaq.

Silsilə tədbirlər hər kəs, o cümlədən uşaqlar üçün nəzərdə tutulub və iştirak ödənişdizdir.

Qədim Çin çay mərasimi, fənərlər, ənənəvi açıqcaların ieroqliflərlə yazılması və s. maraqlı ustad dərsləri Bakıdakı Konfusi İnstitutunun müəllimləri tərəfindən keçiləcək və çin dilindən tərcümədə onlara həmin təhsil ocağının tələbələri kömək edəcəklər. 

BakuCity.az

Bakı Çin təqvimi Yeni il
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər