10 yaşlı qızın yanmış meyiti atıldığı ərazidən götürüldü - FOTO

10 yaşlı qızın yanmış meyiti atıldığı ərazidən götürüldü - FOTO

Meyit ekspertizaya göndərilib

Tovuzda 10 yaşlı uşağın ölümü ilə bağlı hüquq-mühafizə orqanlarının əməkdaşları araşdırmalara başlayıb.

BakuCity.az APA-ya istinadən məlumat verir ki, bu gün Daxili İşlər Nazirliyinin, Baş Prokurorluğun, Ədliyyə Nazirliyinin Məhkəmə Ekspertizası Mərkəzinin və Səhiyyə Nazirliyinin Məhkəmə-Tibbi Ekspertiza və Patoloji Anatomiya Elmi-Təcrübi və Tədris Birliyinin əməkdaşları meyit tapılan əraziyə baxış keçiriblər. Hadisə yeri müayinə edilib və iş üçün zəruri olan bütün maddi sübutlar götürülüb.

Azyaşlının meyiti ərazidən götürülərək ekspertizaya göndərilib.

Həmçinin oxu: Yandırılan 10 yaşlı Nərminin atası danışdı: "Özüm qızımı göndərdim ki..."

Qeyd edək ki, Baş Prokurorluğun yaydığı xəbərə görə, Tovuz rayonunun Dondar Quşçu kəndində anadan olmuş 2010-cu il təvəllüdlü Quliyeva Nərmin Şərif qızının 21 noyabr 2019-cu il tarixdə itkin düşməsi ilə əlaqədar aparılmış araşdırmalarla onun qəsdən öldürülməsinə kifayət qədər əsaslar müəyyən edildiyindən Baş Prokurorluğun Ağır cinayətlərə dair işlər üzrə istintaq idarəsində Cinayət Məcəlləsinin 120.2.9-cu (təqsirkar şəxs üçün aşkar surətdə köməksiz vəziyyətdə olan adamı qəsdən öldürmə) maddəsi ilə cinayət işi başlanıb.

Yanvarın 6-da azyaşlının Dondar Quşçu kəndi ərazisində yanmış meyitinin aşkar olunması ilə əlaqədar dərhal Daxili İşlər Nazirliyinin, Baş Prokurorluğun, Ədliyyə Nazirliyinin Məhkəmə Ekspertizası Mərkəzinin və Səhiyyə Nazirliyinin Məhkəmə-Tibbi Ekspertiza və Patoloji Anatomiya Elmi-Təcrübi və Tədris Birliyinin təcrübəli əməkdaşları Tovuz rayonuna ezam olunublar.

Hazırda iş üzrə cinayəti törətmiş şəxs və ya şəxslərin müəyyən edilməsi istiqamətində zəruri və təxirəsalınmaz istintaq-əməliyyat tədbirləri davam etdirilir.

10 yaşlı qızın yanmış meyiti atıldığı ərazidən götürüldü - FOTO, fotoşəkil-1 10 yaşlı qızın yanmış meyiti atıldığı ərazidən götürüldü - FOTO, fotoşəkil-2 10 yaşlı qızın yanmış meyiti atıldığı ərazidən götürüldü - FOTO, fotoşəkil-3 10 yaşlı qızın yanmış meyiti atıldığı ərazidən götürüldü - FOTO, fotoşəkil-4 10 yaşlı qızın yanmış meyiti atıldığı ərazidən götürüldü - FOTO, fotoşəkil-5 10 yaşlı qızın yanmış meyiti atıldığı ərazidən götürüldü - FOTO, fotoşəkil-6 10 yaşlı qızın yanmış meyiti atıldığı ərazidən götürüldü - FOTO, fotoşəkil-7 10 yaşlı qızın yanmış meyiti atıldığı ərazidən götürüldü - FOTO, fotoşəkil-8

BakuCity.az

Tovuz qız uşağı qətl
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər