Nərminin öldürüldüyü kənddə qatili xüsusi təlim keçmiş itlər axtarır - VİDEO

Nərminin öldürüldüyü kənddə qatili xüsusi təlim keçmiş itlər axtarır - VİDEO

"Çox tərbiyəli, ağıllı uşaq idi"

"Mən bir ağsaqqal kimi bu hadisəni vandalizm adlandırıram".

BakuCity.az xəbər verir ki, bunu İctimai Televiziyaya açıqlamasında Tovuz rayon Dondar Quşçu kəndinin sakini Yunis Abdıyev deyib.

O bildirib ki, bu cinayətin üstü açılmalı, cinayətkar layiqli cəzasını almalıdır.

Nərminin müəlliməsi Rəna Yusibova isə şagirdinin çox tərbiyəli, ağıllı uşaq olduğunu, dərsə davamiyyətinin yaxşı olduğunu, sinifdə heç bir problemi olmadığını vurğulayıb.

Həmçinin oxu: 10 yaşlı Nərmin 5 gün əvvəl ölüb: Başını əzib, dırnaqlarını kəsiblər - VİDEO

Xatırladaq ki, 2019-cu il noyabrın 21-də itkin düşən Tovuz rayon sakini, 2010-cu il təvəllüdlü Nərmin Şərif qızı Quliyevanın meyti Dondar Quşçu kənd ərazisindəki boş sahədə yandırılmış halda aşkarlanıb.

Aparılmış araşdırmalarla N.Quliyevanın qəsdən öldürülməsinə kifayət qədər əsaslar müəyyən edildiyindən Cinayət Məcəlləsinin 120.2.9-cu (təqsirkar şəxs üçün aşkar surətdə köməksiz vəziyyətdə olan adamı qəsdən öldürmə) maddəsi ilə cinayət işi başlanılaraq Daxili İşlər Nazirliyi və Baş Prokurorluğun əməkdaşlarından ibarət istintaq-əməliyyat qrupu yaradılıb, habelə Fövqəladə Hallar Nazirliyinin Xüsusi Riskli Xilasetmə Xidmətinin kinoloji qrupunun təlimatçıları xüsusi təlim keçmiş itlərlə Dondar Quşçu kəndi və ətraf ərazilərdə axtarışlara cəlb edilib.

BakuCity.az

Tovuz qətl qız
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər