Azərbaycanın “Robinzon Kruzo”sundan bəhs edən filmin təqdimatı olacaq

Azərbaycanın “Robinzon Kruzo”sundan bəhs edən filmin təqdimatı olacaq

"Adam" sənədli filmi nümayiş olunacaq

ADO teatrında "ADAM" qısametrajlı sənədli filminin təqdimatı keçiriləcək. 

BakuCity.azxəbər verir ki, təqdimat 14 yanvar saat 19:00-da baş tutacaq.

"Zen Film & Alfeka Filmworks" tərəfindən istehsal olunan filmin rejissoru Emil Əli, musiqi tərtibçisi Aleksandr Şamaluevdir.

Kürdili yarımadasının hekayəsindən bəhs edən "Adam" sənədli filmində Vitali Proninin hekayəsi onun öz dilindən danışılır və filmdə ancaq bir nəfərin xatirələri canlandırılır, arzuları paylaşılır.

Kürdili yarımadası 1981-ci ildə Xəzər dənizinin yüksəlməsi nəticəsində adaya çevrilib. Yarımadada yerləşən iki kənddə yaşayanlar zamanla adanı tərk etsə də, Vitali üçün bura axırıncı dayanacaq olur. O, atasını və anasını torpağa verdiyi, uşaqlığının, gəncliyinin keçdiyi torpaqları tərk etmir. Geriyə böyük torpaq parçası və ömrünün, demək olar ki, 66 ilini bu adada keçirmiş Vitali qalır. 

Qeyd edək ki, filmin qəhrəmanı Vitali Pronin bu il yanvarın 6-da dünyasını dəyişib. Filmin təqdimatı mərhumun xatirəsinə həsr olunub.

Ramilə Qardaşxanqızı

BakuCity.az

Kürdili film Vitali Pronin
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər