“28 Mall”da kod olmadan ayaqyolundan istifadə etmək olmaz? - VİDEO

“28 Mall”da kod olmadan ayaqyolundan istifadə etmək olmaz? - VİDEO

"Bu qaydalar artıq keçən ilin sonundan tətbiq edilir"

Tanınmış prodüser və teleaparıcı Tarix Əliyev (Tolik) Bakıda "28 Mall” ticarət mərkəzində ayaqyolundan istifadə üçün xüsusi kod lazım olduğu barədə video paylaşıb.

O bildirib ki, əgər kodun varsa, orada olan ayaqyolundan istifadə edə bilərsən:

"Dünyanın heç bir yerində belə şey yoxdur. "28 Mall”da əgər kodun yoxdursa, ayaqyolundan istifadə edə bilməzsən".

BakuCity.az-ın məlumatına görə, Azxeber.com mövzu ilə bağlı "28 Mall” ticarət mərkəzinin marketinq meneceri Nuranə İskəndərova ilə əlaqə saxlayıb.

O açıqlamasında bildirib ki, bu irad ticarət mərkəzinin tualetlərinə aid deyil:

"Bu absurddur və biz belə bir addım atmarıq. Bu məsələnin "28 Mall” ticarət mərkəzində yerləşən ayaqyollarına heç bir aidiyyatı yoxdur. Biz ticarət obyekti olaraq yalnız ticarətlə məşğuluq. Bizim mənfi birinci mərtəbədən 3-cü mərtəbəyə qədər olan bütün ayaqyolları hamının üzünə açıqdır. Yalnız 4-cü mərtəbədə yerləşən ayaqyolundan başqa. Bunun da səbəbi bizim oranı icarəyə verməyimizdir. Orada "Cinema Plus” yerləşir və bu qaydalar onların daxili qaydalarıdır. Bu qaydalar artıq keçən ilin sonundan tətbiq edilir”.

BakuCity.az

Bakı 28 Mall ayaqyolu
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər