Nərimanovun heykəli: ermənilərin məkirli niyyəti, binalarla "çəpərlənmiş" abidə - FOTO

Nərimanovun heykəli: ermənilərin məkirli niyyəti, binalarla "çəpərlənmiş" abidə - FOTO

Bütün bunlara baxmayaraq, Heydər Əliyev öz istəyinə nail oldu

BakuCity.az “Bakının heykəlləri” rubrikası çərçivəsində bu dəfə ictimai-siyasi xadim, publisist, dramaturq, müəllim, həkim, dövlət xadimi Nəriman Nərimanovun Azərbaycan SSR Xalq rəssamı Cəlal Qaryağdı tərəfindən Bakının Yasamal rayonunda, N.Nərimanovun adını adını daşıyan prospektdə ucaldılan heykəlindən bəhs edir.

Tunc və qranitdən hazırlanan abidənin memarları Tofiq Abdullayev və Yusif Qədimovdur. 

Abidənin qoyulma tarixi

Nərimanovun heykəli: ermənilərin məkirli niyyəti, binalarla "çəpərlənmiş" abidə - FOTO, fotoşəkil-1

Moskvada ermənilər N.Nərimanovun heykəlinin qoyulmasına qaşrı çıxırdılar. Nərimanovun heykəli daha uca, kürsü ilə birlikdə 35 metr nəzərdə tutulmuşdu. Amma ermənilər çalışırdılar ki, onun heykəli Kirovun heykəlindən uca olmasın və buna da nail olublar. Heykəlin hündürlüyü 20 metr, pyedestalı isə 12 metr uzunluğunda oldu.

Ümummilli lider Heydər Əliyev də N.Nərimanovun abidəsi barədə fikir bildirərkən, abidənin ucaldılmasının heç də asan başa gəlmədiyini qeyd edib. Heydər Əliyev o vaxtlar heykəlin ucaldılması məsələsi ilə bağlı düz iki dəfə Suslov və Brejnevlə görüşüb. Ümummilli liderin də xatırlatdığı kimi, onlar N.Nərimanov haqqında tamamilə fərqli məlumatlara malik olublar. Bütün bunlara baxmayaraq, Heydər Əliyev öz istəyinə nail olub və heykəlin ucaldılmasında bilavasitə əməyi keçib.

6 iyun 1972-ci ildə paytaxtda “Sovetskaya” adlandırılan ərazidə heykəltaraş Cəlal Qaryağdı tərəfindən 1971-ci ildə qoyulmuş abidənin təntənəli açılış mərasimi keçirilib. Açılışda Heydər Əliyevin özü çıxış edib.

Heykəlin sonrakı taleyi

Nərimanovun heykəli: ermənilərin məkirli niyyəti, binalarla "çəpərlənmiş" abidə - FOTO, fotoşəkil-2

Təbii ki, 37 il sonra heykəlin materialı çirk və mamırdan təmizlənməli idi. Bu səbəblə 2008-ci ildə abidə rekonstruksiya edildi. Bu dəfə heykəlin postamenti və ön divarı qara mərmər plitələrlə, açıq sarı mərmərlə örtüldü.

Heykəlin sökülməsi ideyası

Azərbaycan müstəqillik qazanandan sonra Lenin, Kirov və Fioletovun, eləcə də XI Qızıl Ordunun və “26-lar” abidəsi götürüldü, lakin N.Nərimanovun heykəlinə toxunulmadı.

2015-ci ildə isə N.Nərimanovun heykəlinin götürülməsi məsələsi yenidən gündəmə gəldi. O vaxt Vətəndaş və İnkişaf Partiyasının sədri Əli Əliyev Dövlət Bayrağı Günü münasibətilə sosial şəbəkədə paylaşdığı statusda heykəlin hələ də saxlanılmasına kəskin irad bildirmiş, “üçrəngli bayrağı müvəqqəti endirməyə nail olmuş Nərimanovun paytaxtın ən görkəmli yerində əzəmətli heykəlinin hələ də dayandığını” vurğulamışdı.

Qeyd edək ki, ətrafında inşa olunan çoxmərtəbəli binaların sayəsində hazırda N.Nərimanovun heykəlini uzaqdan görünmür.

Nərimanovun heykəli: ermənilərin məkirli niyyəti, binalarla "çəpərlənmiş" abidə - FOTO, fotoşəkil-3 Nərimanovun heykəli: ermənilərin məkirli niyyəti, binalarla "çəpərlənmiş" abidə - FOTO, fotoşəkil-4 Nərimanovun heykəli: ermənilərin məkirli niyyəti, binalarla "çəpərlənmiş" abidə - FOTO, fotoşəkil-5 Nərimanovun heykəli: ermənilərin məkirli niyyəti, binalarla "çəpərlənmiş" abidə - FOTO, fotoşəkil-6 Nərimanovun heykəli: ermənilərin məkirli niyyəti, binalarla "çəpərlənmiş" abidə - FOTO, fotoşəkil-7 Nərimanovun heykəli: ermənilərin məkirli niyyəti, binalarla "çəpərlənmiş" abidə - FOTO, fotoşəkil-8 Nərimanovun heykəli: ermənilərin məkirli niyyəti, binalarla "çəpərlənmiş" abidə - FOTO, fotoşəkil-9

Ramilə Qardaşxanqızı

Foto: Nicat Alili

BakuCity.az

Bakı Nəriman Nərimanov heykəl
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər