Bakıda yanğında ölən tələbə qızların adları məlum oldu - FOTO + VİDEO

Bakıda yanğında ölən tələbə qızların adları məlum oldu - FOTO + VİDEO

Tələbə qızlar iki ay imiş ki, həmin mənzildə məskunlaşıblar

Bakının Səbail rayonu, Bayıl qəsəbəsində baş vermiş bədbəxt hadisə zamanı ölən əcnəbi tələbələrin şəxsiyyəti məlum olub.

BakuCity.az-ın APA-ya istinadən verdiyi məlumata görə, bunlar 1997-ci il təvəllüdlü Tarukki Amaya, 1995-ci il təvəllüdlü Tausi Jayavodi və 1999-cu il təvəllüdlü Malişi Tayukidir.

Yanğını ilk olaraq qonşulardan biri görüb və həmin şəxs tələbə qızların qaldığı mənzilin pəncərəsini sındıraraq onlara kömək etmək istəyib. Ancaq artıq gec olub, qızlar yatmış vəziyyətdə zəhərlənərək ölüblər.

Şri-Lanka vətəndaşları olan qızların Bakıda fəaliyyət göstərən Qərbi Xəzər Universitetinin tələbələri olduğu bildirilir. Tələbə qızlar iki ay imiş ki, həmin mənzildə məskunlaşıblar. Onların meyitləri müayinə olunması üçün məhkəmə tibb ekspertizasına təqdim edilib.

Faktla bağlı Səbail Rayon Prokurorluğunda Cinayət Məcəlləsinin 314.2-ci (səhlənkarlıq, eyni əməllər ehtiyatsızlıqdan zərərçəkmiş şəxsin ölümünə və ya digər ağır nəticələrə səbəb olduqda) maddəsi ilə cinayət işi başlanılıb, istintaq aparılır.

Bakıda yanğında ölən tələbə qızların adları məlum oldu - FOTO + VİDEO, fotoşəkil-1 Bakıda yanğında ölən tələbə qızların adları məlum oldu - FOTO + VİDEO, fotoşəkil-2 Bakıda yanğında ölən tələbə qızların adları məlum oldu - FOTO + VİDEO, fotoşəkil-3 Bakıda yanğında ölən tələbə qızların adları məlum oldu - FOTO + VİDEO, fotoşəkil-4 Bakıda yanğında ölən tələbə qızların adları məlum oldu - FOTO + VİDEO, fotoşəkil-5 Bakıda yanğında ölən tələbə qızların adları məlum oldu - FOTO + VİDEO, fotoşəkil-6

BakuCity.az

Bakı yanğın tələbələr
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər