Sabiq polis rəisi Nərminin qətlindən danışdı: "Caninin məqsədi iz itirmək olmayıb"

"Əgər cani uşağın dırnaqlarını iz itirmək məqsədilə kəsibsə, daha niyə təkcə qurşaqdan aşağı yandırıb?"

“Hadisə kiçik bir kənd ərazisində olduğu üçün bu cinayət faktının üstünün açılması asan bir işdir. Çünki qız kənddə yoxa çıxıb və yandırılmış halda olan cəsədi də kənddə tapılıb. Uşağın əmisigilə getdikdən sonra yoxa çıxdığı nəzərə alınaraq, birmənalı olaraq bütün qohumlar, qonşular, tanışlar istintaqa cəlb olunmalıdır”.

BakuCity.az-ın məlumatına görə, bu sözləri Axar.az-a sabiq polis rəisi Mahmud Hacıyev Tovuzun Dondar Quşçu kəndində 10 yaşlı Nərmin Quliyevanın bir neçə gün öncə evlərinin yaxınlığında yanmış meyitinin aşkarlanması ilə bağlı danışarkən deyib.

M.Hacıyevin sözlərinə görə, bu məsələdə əsas diqqət edilməli məqam ailənin uşaq itdikdən neçə gün sonra polisə müraciət etməsidir:

“Təcrübəmə əsaslanaraq deyirəm ki, bu kimi hallar baş verdikdə itkin düşmüş şəxsin ailəsi, qohumları polisə gec müraciət edir. Ailə həmişə axtarışı özü aparır və burada da bir qədər gecikir. Bu kimi hallarda, xüsusilə itkin hadisəsi kiçik bir kənddə baş verəndə, adətən, üstü tez açılır. Səbəb də odur ki, kənd kiçikdir, bir milyonluq şəhər deyil ki, proses çətin olsun. Kənddə hamı bir-birini tanıyır, giriş-çıxış məhdud dərəcədə olur. Həmçinin əksər kəndlərdə məskunlaşan 10 qonşudan 6-sı bir-biri ilə qohum olur. Belə bir məkanda itkin düşən bir şəxsin 2 ay müddətində tapılmaması mümkün deyil, bu, bir qədər suallar doğurur.

Əgər ailə polisə tez müraciət edibsə və polis də dərhal axtarış elan edib, axtarışlara da start verilibsə, ehtimal etmək olar ki, qaçırılan uşaq kənddə saxlanılmayıb. Burada müəmma ondan ibarətdir ki, balaca bir kənddə uşaq yoxa çıxa, 2 ay sonra bir əraziyə meyiti atılıb yandırıla və bu barədə kənddə heç kəsin məlumatı olmaya”.

Həmçinin oxu: Nərminin nənəsi əmisindən şübhələnir: Efirə getməyən kadrlar - VİDEO

Sabiq polis rəisi bildirib ki, bu kimi ağır cinayət işlərində istintaqı prokurorluq müstəntiqləri ilə polis əməliyyatçıları aparır:

“Bu kimi cinayətlərdə istintaqı prokurorluğun müstəntiqi aparır. Lakin ona da polisin əməliyyatçıları yaxından köməklik edir. Çünki o, əməliyyatçılara tez-tez istintaq tapşırıqları verir. Kompleks halında polis əməliyyatçıları ilə prokurorluğun müstəntiqi yüksək səviyyədə işləyəndə bu kimi cinayətlərin üstü tez açılır”.

M.Hacıyev bildirib ki, meyitin yandırıldıqdan sonra məhz evin yaxınlığına atılması qisas da ola bilər:

“Cəsədin iz itirilmək məqsədilə yandırıldığını düşünmürəm. İzi itirmək məqsədilə cəsəd yandırılsaydı, bütünlüklə yandırılardı. Cəsədin qurşaqdan aşağı nahiyəsinin yandırılması suallar doğurur. Cani cəsədi tam yandırmaq fikrində olub, buna nail olmasa belə, bəs nə üçün onu evin yaxınlığında bir əraziyə atıb? Bu kimi cinayətlərdə, adətən, iz itirmək məqsədilə cəsəd yandırılır və bu da həmin məkandan 100 kilometrlərlə uzaqda həyata keçirilir. Burada caninin məqsədi iz itirmək olmayıb. Olsaydı, bunu daha uzaqda edərdi, cəsədi tam yandırar, basdırardı.

Burada diqqət edilməli bir məqam da var. Müəyyən edilsə ki, öldürülməzdən əvvəl azyaşlıya qarşı təcavüz olub, bu zaman istintaq başqa istiqamətdə aparılır. Əgər təcavüzün olmadığı müəyyən edilsə, araşdırma tamam başqa istiqamətdə yönləndirilir. Bu, işin açılması istiqamətində çox ciddi məqam və sübut növüdür.

Uşağın dırnaqlarının kəsildiyi deyilir. Əgər cani uşağın dırnaqlarını iz itirmək məqsədilə kəsibsə, daha niyə təkcə qurşaqdan aşağı yandırıb? Cəsədi bütünlüklə də yandıra bilərdi, bu zaman - cəsəd bütünlüklə yandığı üçün - dırnaqlar da yanmış olacaqdı, dırnaq arasında canidən qalma ehtimalı olan dəri də.

Bu məsələdə olduqca diqqətli olmaq lazımdır.

Birmənalı olaraq bu məsələdə bütün qohumlar, qonşular, tanışlar istintaqa cəlb olunmalıdır. Qaçırılma, cinayət hadisəsi də böyük arealda baş verməyib. Hər şey kənd ərazisində baş verib”.

BakuCity.az

Tovuz qətl qız
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər

Cəmiyyət
COVID-19 infeksiyasının ürəyə təsirləri barədə aparılan elmi tədqiqatın nəticələri məlum olub. BakuCity.az xəbər verir ki, bu barədə Almaniya-Azərbaycan Radioloji və Neyroradioloji Cəmiyyətinin sədri, Köln Universiteti Klinikasının tibb elmləri doktoru Nuran Abdullayev məlumat verib. Nuran Abdullayevin sözlərinə görə, virusun ürəkdə yaratdığı problemlərlə bağlı müxtəlif elmi tədqiqatlar aparılsa da, son günlər bununla bağlı çox vacib məqamlara toxunulan el...
Cəmiyyət
Bu gündən etibarən AZAL-ın Bakı-Naxçıvan marşrutu üzrə reyslərinə aviabilet satışı yeni üsulla həyata keçiriləcək. BakuCity.az xəbər verir ki, bununla bağlı “Azərbaycan Hava Yolları” QSC-nin Mətbuat xidmətindən məlumat verilib, bu istiqamətdə uçuşlara tələbatın yüksək olduğunu və pandemiya dövründə uçuşların sayının məhdud olduğunu nəzərə alaraq, qeyd edilən marşrut üzrə aviabilet satışı növbəlilik prinsipi əsasında həyata keçiriləcək. Növbəyə aşağıdakı ik...
Cəmiyyət
Paytaxtın Suraxanı rayonu ərazisində aparılan genişmiqyaslı abadlıq-quruculuq işləri davam etdirilir. BakuCity.az xəbər verir ki, son 10 ayda Suraxanı rayonunda aparılan abadlıq-quruculuq işləri sakinlərin yaşam şəraitinin yaxşılaşdırılmasına yönəlib. Bu dövr ərzində əhalinin rahat gediş-gəlişinin təmin edilməsi məqsədilə rayonun qəsəbələrində 485 000 kv.m o cümlədən, Hövsan qəsəbəsində Südçülük sovxozu adlandırılan yaşayış sahəsində 18 000 kv.m, Donuzkökə...
Cəmiyyət
Azərbaycanda koronavirusa 129 yeni yoluxma qeydə alınıb. Azərbaycanda koronavirus (COVID-19) infeksiyasına 129 yeni yoluxma faktı qeydə alınıb, 421 nəfər müalicə olunaraq sağalıb və evə buraxılıb. Nazirlər Kabineti yanında Operativ Qərargahdan BakuCity.az-a verilən məlumata görə, COVID-19 üçün götürülən analiz nümunələri müsbət çıxan 4 nəfər vəfat edib. İndiyədək ölkədə ümumilikdə 33 376 nəfərin koronavirus infeksiyasına yoluxması faktı müəyyən edilib, onl...
Cəmiyyət
Yay mövsümünün bitməsinə az vaxt qalmasına baxmayaraq, Bakıda kirayə qiymətləri yüksəkdir. BakuCity.az xəbər verir ki, ötən illə müqayisədə bu il bağ evlərinin kirayə qiymətləri 2-3 dəfə artıb. Tətbiq olunan karantin rejimi, rayonlara gediş-gəlişin məhdudlaşdırılması Bakıda istirahət etmək istəyənlərin bağ evlərinə tələbatını artırıb. Tələbatın artdığını görən əmlak sahibləri isə qiymətləri yüksəldirlər. Hazırda Bakıda bağ evlərinin günlük kirayə qiymətlər...
Cəmiyyət
Bakı-Xırdalan-Sumqayıt qatarlarının hərəkəti 3 ay müddətinə dayandırılacaq. Bakı-Sumqayıt avtomobil yolunun genişləndirilməsi işləri ilə əlaqədar Xırdalan dairəsində yerləşən dəmir yolu körpüsünün sökülərək yenidən tikintisi səbəbindən Bakı-Xırdalan-Sumqayıt istiqamətində elektrik qatarlarının hərəkəti müvvəqəti olaraq dayandırılır. Bu barədə BakuCity.az-a "Azərbaycan Dəmir Yolları" QSC-dən məlumat verilib. Məlumata görə, qatarlar avqustun 10-dan noyabrın...
Cəmiyyət
Bakı sakinləri operativ qərargahdan və TƏBİB-dən nrazıdırlar? Bəlli olduğu kimi, martın 24-dən ölkəmizdə xüsusi karantin rejimi tətbiq olunur. Buna müvafiq olaraq, xidmət sahələri, iri ticarət mərkəzlərinin fəaliyyəti dayandırılıb. Elə bu səbəbdən də minlərlə insan müvəqqəti də olsa işini itirib. Son günlər koronavirusa yoluxma dinamikasının aşağı düşdüyü müşahidə edilir. Ciddi karantin rejiminin yumşaldılması səbəbi ilə ölkə ərazisində SMS icazə sistemi l...
Cəmiyyət
"Ölkə üzrə təxminən 13 min insanın 190 manatlıq birdəfəlik ödəmədən sonra yenidən bu dəstəkdən yararlanması ləğv edilib". BakuCity.az xəbər verir ki, bunu Əmək və Əhalinin Sosial Müdafiəsi naziri Sahil Babayev keçirdiyi mətbuat konfransında deyib. Sahil Babayevin sözlərinə görə, onlardan 3 minində müxtəlif gəlir mənbələri aşkar edilib: "Sosial şəbəkələrdə haqlarında məlumat yayılan ödəmə alan şəxslər həmin ay üçün ödənişi almışdılar, çünki bu onların haqqı...
Cəmiyyət
“Biz təqribən 5 milyona yaxın insanı geniş sosial paketlə əhatə etdik. Dövlət sektorunda çalışan 900 min insanın böyük əksəriyyəti faktiki olaraq işləmir, ancaq dövlət tərəfindən əməkhaqqı alır”. BakuCity.az xəbər verir ki, bunu Prezident İlham Əliyev bu gün Azərbaycanda koronavirus pandemiyası ilə mübarizə sahəsində görülən tədbirlər və sosial-iqtisadi vəziyyətlə bağlı videoformatda keçirilən müşavirədə çıxışı zamanı deyib. Prezident bildirib ki, sahibkar...