Telman İsmayılovun qohumundan “Ferrari” əməliyyatı - Bakıda həbs

"Hər gün "Ferrari" alırsan ki, necə aldığını, necə sənədləşdirildiyini bilmirsən?"

Azərbaycanda doğulub-böyümüş iş adamı Telman İsmayılovun qardaşı nəvəsi Bakıda həbs edilib. O, dələduzluqda və oğurluqda ittiham edilir.

BakuCity.az Musavat.com-a istinadən xəbər verir ki, Bakı Ağır Cinayətlər Məhkəməsində 1986-cı il təvəllüdlü Vüqar Babayevin cinayət işi üzrə məhkəmə iclası davam etdirilib.

Hakim Azad Məcidovun sədrliyi ilə keçirilən məhkəmə iclasında şahidlər ifadə verib. Həmin şahidlər 230 min dollarlıq "Ferrari"nin V.Babayev tərəfindən ələ keçirilməsi epizodu üzrə dindiriliblər.

Belə ki, V.Babayev zərərçəkmiş kimi tanınan Elmar Heybətovdan "Ferrari" markalı abtomobili alaraq 230 min dollara satacağını deyib. Amma vədinə əməl etməyib və E.Heybətovdan baş etibarnamə ilə maşını aldıqdan sonra başqa şəxsə ucuz qiymətə sataraq pulu ələ keçirib.

V.Babayev "Ferrari"ni 155 min dollara Mirkazım Cavadova satıb. M.Cavadov məhkəmədə şahid qismində  ifadəsində deyib ki, V.Babayevi tanışlarından biri vasitəsi ilə tanıyıb və yaxın münasibətləri olmayıb:

"Maşını satdığını deyəndə əvvəlcə qiymətdə razılaşmadıq. Bir neçə yerə qiymət deyilmişdi. Sonda 155 min dollara razılaşdıq. Sənədləşmə olanda maşın qardaşımın adına keçirildi".

O bildirib ki, sonradan maşını 210 min dollara başqa şəxsə satıb. Hakimin “Maşını alan zaman sahibinin kim olduğunu bilirdinmi” sualına cavabında isə M.Cavadov deyib ki, bu məsələ onu maraqlandırmayıb: "Vüqar baş etibarnamə ilə maşını mənə satıb. Mənim üçün maraqlı deyildi ki, maşın kimindir. İndi maşınların çoxu birbaşa sahibi yox, etibarnamə verilmiş şəxs tərəfindən satılır. Mən bu məsələni bilmirdim. Bu, onların arasında olan məsələ idi".

“Maşının dəyərindən xeyli ucuz satılması onu heç şübhələndirməyib” sualına gəlincə, M.Cavadov belə cavab verib:

"Gündə nə qədər adam maşın alıb-satır. Kimi ucuz, kimi baha satır. Mən də maşını alıb-satmışam. Kimdənsə məcburi olaraq maşın almamışam. Həm də maşın birinci mənə yox, başqa alıcılara da təklif olunub".

Məhkəmədə şahid qismində M.Cavadovun qardaşı Ağacan Cavadov da ifadə verib. O da qardaşı kimi eyni məzmunlu ifadə verib. Məlum olub ki, A.Cavadov da maşının əsas sahibi, mülkiyyətçisi Elmarı tanıyıb. A.Cavadov deyib ki, maşının kim tərəfindən satılması onun üçün də maraqlı olmayıb:

"Bəlkə Vüqarın Elmara, ya da Elmarın Vüqara verəcəyi var? Bu bizim işimiz deyil. Mən polis, prokuror deyiləm ki, gedib bunu araşdıram. Maşın satılıb, biz də almışıq".

Ağacan suallara aqressiv cavab verdiyi üçün hakim ona xəbərdarlıq edib. İşlə bağlı bəzi epizodları xatırlamayan Ağacandan hakim soruşub: "Hər gün "Ferrari" alırsan ki, necə aldığını, necə sənədləşdirildiyini bilmirsən?". Ağacan qısa olaraq belə deyib: "Hə, mənim indi də iki "Ferrari"m var".

Məhkəmə araşdırması davam etdirilir. Təqsirləndirilən V.Babayev deyib ki, ümumilikdə zərərçəkmiş Elmar Heybətova 40 min dollar ödəyib.

İttihama görə, V.Babayev külli miqdarda dələduzluq edib. O, tanışı E.Heybətovun 230 min dollarını ələ keçirib. Bundan başqa, V.Babayev kirayədə yaşadığı mənzilin əşyalarını oğurlamaqda da ittiham edilib.

Ona qarşı Cinayət Məcəlləsinin 178.3.2-ci (dələduzluq; külli miqdarda törədildikdə) və 177-ci (oğurluq) maddələri ilə ittiham irəli sürülüb. Elan olunmuş ittihamla V.Babayev özünü qismən təqsirli bilib. Deyib ki, oğurluq ittihamı ilə qətiyyən razı deyil.

O bildirib ki, eyni binada yaşadığı tanışı ondan "Ferrari" almasını xahiş edib. Buna görə də ona 230 min dollar verib. Maşının sənədləşdirilməsində problem olub və bu iş alınmayıb.

Sərbəst ifadə verən V.Babayev deyib ki, lüks maşın həvəskarı olub. Onun dediyinə görə, ən bahalı maşınları almağa, sürməyə böyük həvəsi olub.

O, "Maseratti", "Ferrari", "Mercedes", BMW və bir çox məşhur avtomobil firmalarının lüks modellərin sahib olduğunu deyib. Maşınların qiyməti isə 200-500 min dollar arasında dəyişib.

Hakim ondan bahalı maşınları necə əldə etməsini, gəlir mənbəyini soruşub. V.Babayev heç bir yerdə işləmədiyini, babasının Telman İsmayılovun qardaşı Çingiz olduğunu deyib. O bildirib ki, anası Telman İsmayılovun qardaşı Çingizin qızıdır.

Babayev izahatında yazıb ki, istədiyi maşını alıb və bir neçə il sürüb. Yeni model çıxdıqda isə maşını sataraq yenisi ilə dəyişib. O, lüks avtomobillərini Bakıdakı avtomobil salonlarında satdığını deyib.

Məhkəmədə məlum olub ki, V.Babayev Bakıda yaşadıqları mənzili də satıb. Daha sonra isə kirayə mənzildə yaşayıb. İttihamda göstərilir ki, V.Babayev kirayədə yaşadığı mənzildəki mikrodalğalı sobanı, qabyuyan maşını və televizoru da götürərək satıb. Amma Babayev bununla razılaşmır, deyir ki, həmin əşyalar xarab olduğu üçün atıb. V.Babayevin dedikləri məhkəməyə inandırıcı gəlməyib.

Hakim soruşub ki, xarab olan əşyaları niyə mənzilin yiyəsinə verməyib? V.Babayev deyib ki, bunu etmək ağlına gəlməyib və xarab olduğu üçün zibilxanaya atıb. O deyib ki, həmin əşyaların yerinə yenisini alacaqmış.

O da məlum olub ki, V.Babayevin xanımı istintaqda ifadə verərkən evindən əşyaların aparıldığını bildirib. Onun sözlərinə görə, əşyaları V.Babayev aparıb. V.Babayev bunu ilk dəfədir eşitdiyini deyib. Bildirib ki, həyat yoldaşının bu cür ifadə verməsindən xəbərsizdir.

BakuCity.az

Bakı məhkəmə Ferrari Telman İsmayılov
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər

Ekologiya
30 mayda gözlənilən hava şəraiti açıqlanıb. Milli Hidrometeorologiya Xidmətindən BakuCity.az-a verilən məlumata görə, mayın 30-da Bakıda və Abşeron yarımadasında havanın dəyişkən buludlu olacağı, əsasən yağmursuz keçəcəyi gözlənilir.  Səhər bəzi yerlərdə duman olacaq, mülayim cənub-qərb küləyi gündüz güclü şimal-qərb küləyi ilə əvəz olunacaq. Havanın temperaturu Abşeron yarımadasında gecə 17-21, gündüz 24-27, Bakıda gecə 18-20, gündüz 24-26 dərəcə isti ola...
Cəmiyyət
İcra başçısının kartof yığması müzakirələrə səbəb olub. Masallı rayon İcra hakimiyyətinin başçısı Şahin Məmmədov Təzə Alvadı kəndində tarlalarda kartof və çiyələk yığan əməkçilərlə görüşüb. BakuCity.az xəbər verir ki, kənddə yerləşən bir çox tarlalara baş çəkən Ş.Məmmədov məhsul yığan  əməkçilərlə görüşüb və onlara koronavirusla mübarizədə diqqətli olmağı tövsiyə edib. İcra başçısının kartof yığması sosial şəbəkələrdə müzakirələrə səbəb olub. Başçının bu a...
Hadisələr
Bakıda ölümlə nəticələnən yol nəqliyyat hadisəsi baş verib. Xətai rayonu ərazisində Bakı şəhər sakini E.Bağırov idarə etdiyi “Daewoo” markalı xətt avtobusu ilə yolu keçən paytaxt sakini Fikrət Qurbanovu vurub. Daxili İşlər Nazirliyinin (DİN) Mətbuat Xidmətindən BakuCity.az-a verilən məlumata görə, nəticədə piyada aldığı xəsarətlərdən hadisə yerində ölüb. Faktla bağlı araşdırma aparılır. BakuCity.az
Cəmiyyət
Bakıda növbəti dəfə gücləndirilmiş dezinfeksiya işləri aparılacaq. Mayın 30-u səhər saatlarından etibarən Bakı şəhərinin mərkəzi və qəsəbələrdəki 300-dən artıq əsas küçə, prospekt və yollarda xüsusi kimyəvi maddələrlə növbəti dəfə əlavə gücləndirilmiş dezinfeksiya işləri aparılacaq. Bu barədə BakuCity.az-a paytaxtın kommunal strukturlarından məlumat verilib.  Həmçinin oxu: Bakıda əlavə gücləndirilmiş dezinfeksiya işləri aparılır Bildirilib ki, bununla əlaq...
Kriminal
Bakıda xüsusi karantin qaydalarını pozan bir neçə kafe aşkarlanıb. BakuCity.az xəbər verir ki, Xətai Rayon Polis İdarəsi əməkdaşlarının keçirdikləri reyd zamanı Babək prospektində yerləşən "Dəli Kür" kafesinin, Qaçaq Nəbi küçəsindəki "Sakit Məkan" və Ramiz Quliyev küçəsindəki "Çırağan" kafelərinin müəyyən edilən vaxt rejimindən kənar saatlarda fəaliyyət göstərmələri məlum olub. Reydlərlə "Dəli Kür"də beş nəfər, "Sakit Məkan"da dörd nəfər və "Çırağan" kafes...
Hadisələr
Bakıda xəsarətlə nəticələnən yol-nəqliyyat hadisəsi baş verib. BakuCity.az xəbər verir ki, hadisə dünən gecə Nərimanov rayonunda qeydə alınıb. Minik avtomobili yolu keçən 1989-cu il təvəllüdlü Elçin Cəfərovu vurub. Yaralı təcili tibbi yardımın köməkliyi ilə 1 saylı şəhər Kliniki Xəstəxanasına çatdırılıb. Müayinə zamanı E.Cəfərova sağ ayağın sınığı və bədənin müxtəlif dərəcəli əziyi diaqnozları qoyulub. Faktla bağlı araşdırma aparılır. (report) BakuCity.az
Kriminal
Bakı şəhərinin Sabunçu rayonunda bıçaqlanma hadisəsi baş verib. BakuCity.az xəbər verir ki, hadisə dünən axşam saatlarında Sabunçu rayonu, Ramana qəsəbəsində baş verib. 1983-cü il təvəllüdlü Qasımova Nuranə işlədiyi gözəllik salonunda əri tərəfindən bıçaqlanıb. Hadisə yerinə təcili yardım briqadası gəlsə də, qadının həyatını xilas etmək mümkün olmayıb. Faktla bağlı araşdırma aparılır. BakuCity.az
Kriminal
Abşeronda qanunsuz it döyüşlərini təşkil edən şəxslər həbs olunub.  İt döyüşlərini əks etdirən videogörüntülər sosial şəbəkələrdə yayıldıqdan sonra məsələ dərhal Daxili İşlər Nazirliyi tərəfindən nəzarətə götürülüb və polis əməkdaşları tərəfindən həmin şəxslər müəyyən edilərək saxlanılıb. BakuCity.az xəbər verir ki, DİN-dən verilən məlumata görə, şəxsi axtarış zamanı Qubadlı rayon sakini, hazırda Sumqayıt şəhərində yaşayan Mətləb Əliyevdən narkotik vasitə...
Cəmiyyət
Azərbaycanda daha 191 nəfər koronavirusa yoluxub. Azərbaycanda 191 yeni koronavirus infeksiyasına yoluxma faktı qeydə alınıb, 125 nəfər müalicə olunaraq sağalıb və evə buraxılıb. Nazirlər Kabineti yanında Operativ Qərargahdan BakuCity.az-a verilən məlumata görə, COVID-19 üçün götürülən analiz nümunələri müsbət çıxmış 1954 və 1956-cı il təvəllüdlü iki nəfər vəfat edib. Hazırkı dövrədək ölkəmizdə 4 759 nəfərin koronavirus infeksiyasına yoluxması faktı müəyyə...