Bakıda Çin Yeni ili keçirildi - FOTO

Bakıda Çin Yeni ili keçirildi - FOTO

Azərbaycan Milli Xalça Muzeyində Çin Yeni ili

Azərbaycan Milli Xalça Muzeyində “Çin təqvimi üzrə Yeni iliniz mübarək @Bakı” adlı silsilə tədbirlərin açılışı olub.

BakuCity.azxəbər verir ki, ictimai xadimlərin və mədəniyyət nümayəndələrinin də qatıldığı açılış mərasimi yanvarın 9-da baş tutub.

Tədbirdə Çin Xalq Respublikasının Azərbaycandakı səfiri xanım Qo Min çıxış edib. O, çinlilərin dörd min ildən artıq tarixə malik, bir çox ənənələrlə, ayinlərlə zəngin Bahar bayramını böyük təmtəraqla keçirdiyini deyib:

“Çin Bahar bayramında bütün ailə bir yerə toplaşır. İnsanlar yeni ilə bir neçə gün öncədən hazırlaşır, hədiyyələr alır, bayramın rəmzlərini əks etdirən suvenirlər hazırlayırlar. Evlər, küçə və meydanlar, parklar kağızdan hazırlanmış qırmızı fənərlərlə bəzədilir, qapı və pəncərələr qırmızı rənglə boyadılır, fişəng atılır və s.”.

Səfir Qo Min hazırda yüzdən çox ölkədə Çin Yeni ili tədbirlərinin keçirildiyini, bu bayramın ölkəsinin vizit kartına çevrildiyini diqqətə çatdırıb. O həmçinin  ölkəsinin Azərbaycan ilə əlaqələrin inkişafına böyük əhəmiyyət verdiyini deyib, tədbirin keçirilməsində göstərdikləri köməyə görə Azərbaycan Milli Xalça Muzeyinə və Bakıdakı Konfutsi İnstitutuna minnətdarlığını bildirib.

Sonra Çin Bahar bayramı ilə bağlı video-çarx nümayiş etdirilib. Tədbir musiqi proqramı ilə davam edib, Çin xalq rəqsləri ifa olunub, Çin xalq musiqi alətlərində əsərlər səsləndirilib.

Daha sonra qonaqlar Çinin tarixinə, mədəniyyətinə həsr olunmuş nəşrlər, milli geyim nümunələri, Çin ənənəvi kuklaları, Çinin ecazkar mənzərələrinin əks olunduğu fotoşəkillərdən ibarət ekspozisiya ilə tanış olublar. Bununla yanaşı, tədbir iştirakçıları qədim Çin çay mərasimi, kağız fənərlərin, makrame texnikasında qolbağıların hazırlanması, ənənəvi açıqcaların ieroqliflərlə yazılması və s. üzrə ustad dərslərində iştirak ediblər.

Çin Yeni ilinə həsr olunmuş ustad dərsləri yanvarın 18-dək, hər gün saat 14-dən 16-dək davam edəcək. Eyni zamanda, yanvarın 11-də, saat 14:00-da Çin incəsənətinə dair mühazirə olacaq. Ustad dərsləri Bakıdakı Konfutsi İnstitutunun müəllimləri tərəfindən aparılır, onlara Çin dilindən tərcümədə həmin təhsil ocağının tələbələri kömək edir. Həm böyüklər, həm də uşaqlar üçün nəzərdə tutulan bu tədbirlər ödənişsizdir.

Bakıda Çin Yeni ili keçirildi - FOTO, fotoşəkil-1 Bakıda Çin Yeni ili keçirildi - FOTO, fotoşəkil-2 Bakıda Çin Yeni ili keçirildi - FOTO, fotoşəkil-3 Bakıda Çin Yeni ili keçirildi - FOTO, fotoşəkil-4 Bakıda Çin Yeni ili keçirildi - FOTO, fotoşəkil-5 Bakıda Çin Yeni ili keçirildi - FOTO, fotoşəkil-6 Bakıda Çin Yeni ili keçirildi - FOTO, fotoşəkil-7 Bakıda Çin Yeni ili keçirildi - FOTO, fotoşəkil-8 Bakıda Çin Yeni ili keçirildi - FOTO, fotoşəkil-9 Bakıda Çin Yeni ili keçirildi - FOTO, fotoşəkil-10 Bakıda Çin Yeni ili keçirildi - FOTO, fotoşəkil-11 Bakıda Çin Yeni ili keçirildi - FOTO, fotoşəkil-12 Bakıda Çin Yeni ili keçirildi - FOTO, fotoşəkil-13 Bakıda Çin Yeni ili keçirildi - FOTO, fotoşəkil-14 Bakıda Çin Yeni ili keçirildi - FOTO, fotoşəkil-15 Bakıda Çin Yeni ili keçirildi - FOTO, fotoşəkil-16 Bakıda Çin Yeni ili keçirildi - FOTO, fotoşəkil-17

Ramilə Qardaşxanqızı

BakuCity.az

Bakı Çin
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər