Bakıda avtobuslar üçün ayrıca zolaq olacaq

Bakıda avtobuslar üçün ayrıca zolaq olacaq

Bibiheybət yolunda hərəkət istiqamətində dəyişiklik edilib

Müntəzəm sərnişindaşıma ilə məşğul olan avtobusların, həmçinin digər nəqliyyat vasitələrinin təhlükəsiz hərəkətinin təmin olunması məqsədi ilə “Bibiheybət yolu”nda hərəkət istiqaməti dəyişdiriləcək.

Azərbaycan Avtomobil Yolları Dövlət Agentliyindən (AAYDA) BakuCity.az-a verilən məlumata görə, yanvarın 10-11-də sözügedən ərazidə AAYDA-nın və Bakı Nəqliyyat Agentliyinin birgə hazırladığı layihə əsasında zəruri nişanlanma və xətllənmə işləri aparılacaq. Sürücülərdən qeyd olunan tarixlərdə sözügedən yolda hərəkətdə olarkən diqqətli olmaları, müvəqqəti yol nişanlarına və yol hərəkəti qaydalarına əməl etmələri xahiş olunur.

Həmçinin oxu: Bakıda 19 küçə və prospektdə avtobus zolaqları təşkil edilə bilər

Nişanlanma və xətlənmə işləri bitdikdən sonra 2019-cu il dekabrın 31-də şəhər istiqaməti üzrə açılmış 2 hərəkət zolağından birinin sırf avtobuslar üçün ayrılması nəzərdə tutulur. Bununla da sözügedən ərazidə avtobusların hərəkəti ilə bağlı yaşanan problem aradan qaldırılacaq.

Bakıda avtobuslar üçün ayrıca zolaq olacaq, fotoşəkil-1

BakuCity.az

Bakı avtobus zolaq
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər