Bu ilin çoxdan gözlənilən ən böyük tədbirinə sayılı günlər qaldı

Bu ilin çoxdan gözlənilən ən böyük tədbirinə sayılı günlər qaldı

Tədbir üç gün davam edəcək

24-26 yanvar 2020-ci il tarixində bu ilin çoxdan gözlənilən ən böyük tədbiri "Baku Coffee & Tea Festival Vol.2" baş tutacaq.

BakuCity.az xəbər verir ki, üç günlük festival Nigar Rəfibəyli, küç. 12/14 ünvanında yerləşən "Passage 1901”-da reallaşacaq. Burada şəhərin bütün çay və qəhvə professionalları bir araya gələcək.

Festivalın əsas məqsədi çay və qəhvə sənayəsinin, biznesin inkişafı üçün keyfiyyətli fürsətlərin yaradılması, perspektivli əməkdaşlıq və təcrübə mübadiləsi. festival çərçivəsində və Beynəlxalq Qəhvə Birliyinin dəstəyi ilə (Specialty Coffee Association) barista arasında iki milli çempionat keçiriləcək.

Çempionatların qalibləri ixtisaslaşmış hakimlərdən ibarət beynəlxalq kolleqiya tərəfindən seçilərək Azərbaycanı 2020-cu ilin dünya çempionatlarında təmsil edəcəklər.

Möhtəşəm tədbir nələr vəd edir: 

Festivalın çoxsaylı qonaqlarını qəhvə və çay istehsalı və idxalı ilə məşğul olan şirkətlərin sərgisi - aksesuarlar və avadanlıqlar, barista arasında milli çempionatlar, aparıcı mütəxəssislər tərəfindən keçirilən seminar və master-klasslar, ödənişsiz kofe bar, istirahət zonası (lounge zona), uşaq əyləncə məkanı, “Barista Party” (yalnız dəvətnamə ilə) gözləyir.

Tədbir hər 3 gün saat 11:00-dan 19:00-a kimi davam edəcək. Giriş sərbəstdir. 

Qeyd edək ki, festivalın informasiya tərəfdaşı BakuCity.az saytıdır. 

Bu ilin çoxdan gözlənilən ən böyük tədbirinə sayılı günlər qaldı , fotoşəkil-1

Ramilə Qardaşxanqızı

BakuCity.az

Bakı çay və kofe festival
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər