Dövlət sənədi olmayan müxtəlif peşə sahiblərinə diplom veriləcək - AÇIQLAMA

Dövlət sənədi olmayan müxtəlif peşə sahiblərinə diplom veriləcək - AÇIQLAMA

Təhsildə Keyfiyyət Təminatı Agentliyinin Nizamnaməsi təsdiqlənib

Peşə məktəblərində oxumayan, amma müxtəlif kurslarda və usta yanında müxtəlif peşələrə sahib olan şəxslərə Təhsil Nazirliyinin tabeliyində olan Təhsildə Keyfiyyət Təminatı Agentliyi tərəfindən diplom veriləcək.

Bu barədə BakuCity.az-ın sorğusuna nazirlikdən cavab olaraq bildirilib.

Qeyd olunub ki, ölkə Prezidenti “Azərbaycan Respublikası Təhsil Nazirliyinin fəaliyyətinin təkmilləşdirilməsi və “Azərbaycan Respublikasında bir sıra dövlət orqanlarının strukturunun optimallaşdırılması və idarə edilməsinin təkmilləşdirilməsi ilə bağlı əlavə tədbirlər haqqında” Azərbaycan Respublikası Prezidentinin 2019-cu il 17 yanvar tarixli 479 nömrəli fərmanında dəyişiklik edilməsi barədə” 2019-cu il 29 dekabr tarixdə imzaladığı fərmana əsasən, Təhsil Nazirliyinin tabeliyində olan Akkreditasiya və Nostrifikasiya İdarəsi Təhsil Nazirliyinin tabeliyində publik hüquqi şəxs statusu olan Təhsildə Keyfiyyət Təminatı Agentliyinə çevrilmə yolu ilə yenidən təşkil ediləcək:

"Sözügedən fərmanla “Təhsildə Keyfiyyət Təminatı Agentliyinin Nizamnaməsi” təsdiqlənib. Nizamnamədə qeyd olunduğu kimi, Agentliyin əsas fəaliyyət istiqamətlərindən biri peşə təhsili üzrə qeyri-formal və informal təhsil formaları vasitəsilə əldə edilmiş bilik, bacarıq, səriştə və təcrübənin qiymətləndirilməsi və tanınmasını həyata keçirməkdir. Bununla, Agentliyin əsas məqsədlərindən biri olan müasir dövrün tələblərinə uyğun bilik, bacarıq, səriştə və təcrübəyə malik rəqabətqabiliyyətli mütəxəssislərin əmək bazarına çıxışına dəstək göstərilməsi təmin olunacaq”.

Fərmanda qeyd olunduğu kimi, 2 ay ərzində Akkreditasiya və Nostrifikasiya İdarəsinin Təhsil Nazirliyinin tabeliyində publik hüquqi şəxs statusu olan Təhsildə Keyfiyyət Təminatı Agentliyinə çevrilmə yolu ilə yenidən təşkil edilməsi prosesinin yekunlaşdırılması nəzərdə tutulur.

Ramilə Qardaşxanqızı

BakuCity.az

Bakı Təhsil Nazirliyi diplom
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər