Səhiyyəmizdə biabırçılıq: Əməliyyatdan sonra qayçını xəstənin daxilində qoydular - FOTO

Səhiyyəmizdə biabırçılıq: Əməliyyatdan sonra qayçını xəstənin daxilində qoydular - FOTO

Həkimlər cəzalandırılıb

Gəncə şəhərində qeyri-adi hadisə yaşanıb.

BakuCity.az Baku.ws-ə istinadən xəbər verir ki, həkimlər 1953-cü il təvəllüdlü Orucova Laləzar Məhəmməd qızını əməliyyat edərkən bədənində qayçı qoyub.

Belə ki, Laləzar Məmmədova yay aylarında Gəncə şəhər Təcili Tibbi Yardım Xəsəxanasında yırtıq və öd əməliyyatı edilib. Bir neçə gün sonra evə buraxılıb. Lakin zaman keçdikcə qadının vəziyyəti pisləşib.

Yaxınları qadını dekabr ayının əvvəllərində özəl xəstəxanada müayinə etdirib. Məlum olub ki, qadının bədənində yad cisim –  əməliyyat qayçısı var.

L.Orucova bildirib ki, onu əməliyyat edən həkimlər qadını xəstəxanaya çağırıb və yenidən tələsik əməliyyat edib, qayçını onun bədənindən çıxarıblar.

“Tələsik məni əməliyyata saldılar. Yaxınlarımdan heç kim yanımda yox idi. Yaxınlarım həkimdən niyə əməliyyat edildiyimi soruşduqda tamam başqa söz deyilib.

Oğlumun təkidi ilə özəl xəstəxanadan mənim müayinədən keçdiyim rentgen kağızını əldə etdik və bədənimdə qayçını gördük. İndi vəziyyətim getdikcə pisləşir, mənimlə kimsə maraqlanmır".

Gəncə şəhər Təcili Tibbi Yardım Xəstəxanasının baş həkimin müavini Elşad Əsgərov məsələyə münasibət bildirib. O, qeyd edib ki, hadisə ilə bağlı məlumatı var.

"Bizdə məsələ ilə bağlı məlumat var. Əməliyyatda iştirak edən həkimlər cəzalandırılıb, onlara töhmət verilib və xəbərdarlıq olunub. Bundan əlavə, xəstənin vəziyyəti mütəmadi nəzarətimizdədir, müalicəsi davam etdirilir".

Səhiyyəmizdə biabırçılıq: Əməliyyatdan sonra qayçını xəstənin daxilində qoydular - FOTO, fotoşəkil-1 Səhiyyəmizdə biabırçılıq: Əməliyyatdan sonra qayçını xəstənin daxilində qoydular - FOTO, fotoşəkil-2 Səhiyyəmizdə biabırçılıq: Əməliyyatdan sonra qayçını xəstənin daxilində qoydular - FOTO, fotoşəkil-3

BakuCity.az

əməliyyat qayçı
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər