Şəmkir sakini Şəhidlər xiyabanına kimi piyada yürüşə başladı - FOTO + VİDEO

Şəmkir sakini Şəhidlər xiyabanına kimi piyada yürüşə başladı - FOTO + VİDEO

Yanvarın 20-si Şəhidlər xiyabanına çatmağı planlaşdırır

Bakı-Qazax yolu boyunca çiyninə aldığı Azərbaycan bayrağı ilə hərəkət edən şəxs görənlərin diqqətini cəlb edib.

Məlum olub ki, Şəmkir rayon sakini 35 yaşlı Səyyar Musayev paytaxta qədər olan 410 km-lik məsafəni piyada qət etmək niyyətindədir.

BakuCity.az xəbər verir ki, o, ümumilikdə 8 gün boyunca piyada yol getməklə 20 Yanvar hadisələrinin 30-cu ildönümü günü Şəhidlər xiyabanına çatmağı arzulayır. S.Musayev artıq yolun bir hissəsini arxada qoyaraq Goranboy rayonuna çatıb.

Baku TV-nin əməkdaşı ilə söhbətləşən S. Musayev gecələr bir neçə saat istirahət etməklə yola davam etdiyini bildirib.

S.Musayev paytaxta piyada getməkdə məqsədinin Şəhidlər xiyabanının müqəddəsliyinə diqqət çəkmək olduğunu deyir. Onu yolda görənlər isə çay və yemək təklif etməklə yanaşı, onunla şəkil də çəkdirlər.

Yorulmadan yoluna davam edən S.Musayev yanvarın 20-si səhər saatlarında Şəhidlər xiyabanına çatmağı planlaşdırır.

Şəmkir sakini Şəhidlər xiyabanına kimi piyada yürüşə başladı - FOTO + VİDEO, fotoşəkil-1 Şəmkir sakini Şəhidlər xiyabanına kimi piyada yürüşə başladı - FOTO + VİDEO, fotoşəkil-2 Şəmkir sakini Şəhidlər xiyabanına kimi piyada yürüşə başladı - FOTO + VİDEO, fotoşəkil-3

BakuCity.az

Şəhidlər xiyabanı 20 Yanvar Bakı
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər