Kolleksiyaçı: Medalları pulla almışam, muzeyə bağışlayacağıma söz vermirəm - MÜSAHİBƏ

Azərbaycanda cəmi 3-4 medal kollesiyaçısı var

BakuCity.az-ın “Öz hekayəni danış” layihəsinin növbəti qonağı medal kolleksiyaçısı Fəxrəddin Həbibovdur

Fəxrəddin Həbibov 3 noyabr 1955-ci ildə Bakıda anadan olub. 1972-ci ildə 18 nömrəli orta məktəbi bitirib. 1972-ci ildə Azərbaycan Politexnik İnstitutunun (indiki Texniki Universitet) Hidromeliorasiya fakültəsinə daxil olub. 1977-ci ildə institutu “Çay qurğularının və su elektrik stansiyalarının hidrotexniki tikintisi” ixtisası üzrə bitirib, elə həmin il Azərbaycan Hidrotexnika və Meliorasiya Elmi-Tədqiqat İnstitutunda kiçik elmi işçi vəzifəsində çalışmağa başlayıb. Hərbi xidmətlə işinə ara verən müsahibimiz iki il sonra işinə qaldığı yerdən davam edib.

Uzun müddət müxtəlif vəzifələrdə çalışıb və kifayət qədər böyük uğurlara imza atıb. 760 elmi-texniki monoqrafiyanın, broşürün, məqalənin və ixtiraya görə patentin müəllifidir. Azərbaycan, SSRİ, Rusiya Federasiyasının dövlət və bir neçə ictimai təşkilatlarının 30-dan artıq medalı və ordeni ilə təltif olunub. Hazırda Azərbaycan İnşaat və Memarlıq Elmi-Tədqiqat İnstitutunun “Əsaslar, özüllər və qrunt mexanikası” laboratoriyasının ştatdankənar müdiri vəzifəsində çalışır. 

F.Həbibov 20 ildir medal toplayır və kolleksiyasında yalnız Azərbaycanda təsis edilmiş 336 medal var.

- Fəxrəddin bəy, bu medalları toplamağınıza nə stimul verdi?

- Sovet dövründə bizdə belə bir mühit yaranmışdı. O vaxt kolleksiyaçılıq çox yayılmışdı. Bu, Rusiyadan keçmə bir mədəniyyət idi. Yəni dünyadan imperiyaya, imperiyadan da bizə keçmişdi.

Əvvəlcə faleristika (orden, medalları öyrənən elm – red.) ilə məşğul oldum. Amma bu, çox çətin sahədir, çox vəsait tələb edir. Sonra bir dəfə Məhəmməd Füzuliyə həsr olunmuş medal nəzərimi çəkdi – üz tərəfində Füzulinin özünün, arxasında isə Leyli və Məcnundan bir təsvir var idi. O medalı aldım və beləcə davamlı olaraq medal alıb yığmağa başladım. Sonra məqam gəldi ki, kolleksiyanı sənədləşdirmək və s. lazım oldu.

- Kolleksiyanızda hədiyyə edilən, yoxsa satın aldığınız medallar daha çoxdur?

- Əsasən, masaüstü medalları toplamışam. Onlar dövlət və müxtəlif təşkilatlar tərəfindən təsis edilib və hansısa ictimai xadimə, yubilyara verilib. Aralarında müxtəlif idarə və müəssisələrə təqdim edilənlər də var. Bu medalların əksəriyyətini pulla almışam, bəziləri hədiyyə olunub.

- Sirr deyilsə, ən baha olanı neçəyə başa gəlib?

- Elə medal var ki, onu əldə etmək mənə pulla başa gəlməyib, amma fikrimcə, çox bahalıdır, çünki yeganədir. Ümumilikdə isə medalların qiyməti hazırda orta hesabla 20 manatdan 300 manata qədərdir. Onları almaq üçün heç vaxt ailə büdcəsindən pul xərcləməmişəm, əsasən, cib xərcliyimi sərf etmişəm.

Kolleksiyaçılıq çətindir, medal kolleksiyaçısı olmaq isə daha çətindir. Yəqin buna görə də Azərbaycanda cəmi 3-4 medal kollesiyaçısı var. Mən medalların sayına görə onlardan öndəyəm. Son dövrlərdə təsis edilən medallar isə hələ satışa çıxarılmadığı üçün əldə etməmişəm.

- Kolleksiyaya əlavə etmək üçün medalın necə olmasının fərqi var?

- Xeyr. Medal təsis edilmiş artefaktdır. Onun çox yüksək səviyyədə olması şərt deyil. Ümumiyyətlə, kolleksiya o demək deyil ki, sən yalnız dəyərli olanları toplamalısan. Artefaktı özündə əks etdirən hər nümunədən kolleksiya toplamaq olar. Bəzən yüksək səviyyəli, amma asan tapılan, bəzən də çox aşağı keyfiyyətli, amma nadir, tapılmayan medallar olur.

- Onları necə qoruyub saxlayırsınız?

- Medalları qoruyub-saxlamaq çox çətindir. Hələ gənc vaxtlarımdan İsveçrədən xüsusi qutular gətizdirmişəm; hər birində 6 medal saxlamaq mümkündür. Amma bu qutular hazırda bahadır, ən ucuzu 40 manat təşkil edir. Buna görə də hər adam bunu edə bilmir.

- Ümumiyyətlə, yığdığınız medallarla bağlı planlarınız nədir? Onları muzeyə verəcəksiniz, yoxsa elə ailənizdə qalmasını istəyirsiniz?

- Yeganə qızım üçün bu sahə elə də maraqlı deyil. Ümumiyyətlə, həyat bizə göstərir ki, kolleksiyaların aqibəti çox vaxt sənin istədiyin kimi olmur. Ona görə, elə vaxt yetişir ki, kolleksiyanı digər kolleksiyaçıya satmağa məcbur olursan. Yalnız bu halda sənin zəhmətin it-bata düşmür.

Muzeyə bağışlayacağıma isə söz vermirəm, çünki bu da çox çətindir. Əvvəla ona görə ki, muzeylərimizdə onsuz da medallara həsr olunmuş xüsusi bir köşə, yer yoxdur. Olsa belə, orada da kolleksiyan sən istədiyin səviyyədə qorunmayacaq, dağılıb gedəcək. Bir gün gələr, muzeydə medallar kataloqlaşdırılar və onlara xüsusi baxım olar, qorunub saxlanar, onda bu barədə fikirləşə bilərəm. Hələlik heç nə dəqiq deyil.

- Sizcə, indiki gənclərdə kolleksiyaçılığa nə dərəcədə maraq var?

- Hazırda gənclərimizin bu sahəyə marağı azdır, amma bəlkə də nə vaxtsa onları necəsə maraqlandıra biləcəyik. Çünki artıq Azərbaycan müstəqildir və biz də çalışırıq ki, bu mədəniyyət inkişaf etsin, gənclərimiz üçün maraq kəsb etsin, onlar bu sahəni davam etdirsinlər. Məsələn, mən ötən əsrin 90-cı illərində bu işə təzə başlayanda narazılıq edirdim ki, Azərbaycan öz medallarını buraxmır. Sonra öz medallarımız təsis edildi. Ona görə də heç bir halda pessimist olmaq olmaz.

Əslində kolleksiyaçılıq da bir mədəniyyətdir. Bu mədəniyyəti gənclərə aşılamaq, onları maarifləndirmək lazımdır. Gənclərimizin vasitəsilə dünyaya göstərmək lazımdır ki, Azərbaycanda da kolleksiyaçılıq mədəniyyəti var və biz heç də digər ölkələrdən geri qalmırıq.

Ramilə Qardaşxanqızı

BakuCity.az

kolleksiya medal
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər

Cəmiyyət
Azərbaycanda daha 513 nəfər koronavirusa yoluxub, 8 nəfər vəfat edib. Azərbaycanda 513 yeni koronavirus infeksiyasına yoluxma faktı qeydə alınıb, 440 nəfər müalicə olunaraq sağalıb və evə buraxılıb. BakuCity.az xəbər verir ki, bu barədə Nazirlər Kabineti yanında Operativ Qərargah məlumat yayıb. COVID-19 üçün götürülən analiz nümunələri müsbət çıxmış 8 nəfər vəfat edib. Hazırkı dövrədək ölkədə ümumilikdə 20 837 nəfərin koronavirus infeksiyasına yoluxması fa...
Siyasət
Daxili İşlər orqanlarında kadr dəyişikliyi olub. BakuCity.az xəbər verir ki, bu barədə nazir, general-polkovnik Vilayət Eyvazov əmr imzalayıb. Əmrə əsasən, polis polkovniki Əliyəddin Səfərov Şamaxı Rayon Polis Şöbəsinə rəis təyin edilib. Ə. Səfərov bundan əvvəl Biləsuvar Rayon Polis Şöbəsinin rəisi vəzifəsində çalışıb. BakuCity.az
Cəmiyyət
Tanınmış telejurnalist Mirşahin Ağayev  koronavirusa yoluxub.  “Real Təhlil İnformasiya Mərkəzi” Məhdud Məsuliyyətli Cəmiyyətinin baş direktoru Mirşahin Ağayev koronavirus (COVID-19) infeksiyasına yoluxub. BakuCity.az xəbər verir ki, hazırda Mirşahin Ağayev xüsusi rejimli xəstəxanaya yerləşdirilib, həkimlər onun vəziyyətinin qənaətbəxş olduğunu bildirib. Prosedura uyğun olaraq Mirşahin Ağayevin yaxınları və son günlərdə təmasda olduğu şəxslər araşdırılaraq...
Kriminal
Bakıda kriminal avtoritetin öldürülmə anının görüntüləri yayılıb.  Xəbər verdiyimiz kimi, iyulun 2-də saat 23 radələrində Suraxanı rayonu ərazisində 1979-cu il təvəllüdlü Mail Mustafayevin bıçaqlanaraq öldürülməsi barədə daxil olan məlumat əsasında dərhal prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib. BakuCity.az xəbər verir ki, faktla bağlı Suraxanı rayon Prokurorluğunda Cinayət Məcəlləsin...
Cəmiyyət
Bakıda bir qrup vətəndaş etiraz aksiyası keçirib. BakuCity.az xəbər  verir  ki, bağlanan  4  bankın  müştəriləri  onların  əmanətlərinin  bu  günə  kimi  verilmədiyini  bildiriərək  Mərkəzi  Bankın  qarşısında  etiraz  aksiysası  keçiriblər. Onlar  bildirib  ki, pullarını  müxtəlif  bəhanələrlə  ödəməkdən  imtina  edirlər.  50-dək  vətəndaş  Mərkəzi  Bankdan  onların  qəbul  edilməsini  tələb   edib.  Əraziyə  polis  əməkdaşları  cəlb   olunub. Onlar  vətə...
Kriminal
"Eurovision" mahnı müsabiqəsinin iştirakçısı, tanınmış müğənni Safura Əlizadənin atası həbs edilib. BakuCity.az xəbər verir ki, DTX-nin həbs etdiyi XİN əməkdaşlarından biri də Səlim Əlizadədir. Səlim Əlizadə müğənni Safura Əlizadənin atası, keçmiş Sənaye və Energetika naziri Natiq Əliyevin qudasıdır. (sfera.az) BakuCity.az
Kriminal
DTX XİN-dəki əməliyyatın görüntülərini yayıb. Azərbaycan Respublikası Xarici İşlər Nazirliyinin (XİN) bəzi vəzifəli şəxslərinin öz səlahiyyətlərindən qəsdən qulluq mənafeyinə zidd olaraq istifadə edib dövlətin qanunla qorunan mənafelərinə mühüm zərər vuran çoxsaylı qanunazidd əməllərə yol vermələri ilə bağlı Dövlət Təhlükəsizliyi Xidmətinə daxil olmuş məlumatlar əsasında istintaq-əməliyyat tədbirləri həyata keçirilib. BakuCity.az xəbər verir ki, Dövlət Təh...
Ekologiya
Bakıda 7 iyulda gözlənilən hava şəraiti açıqlanıb Milli Hidrometeorologiya Xidmətindən BakuCity.az-a verilən məlumata görə, Bakıda və Abşeron yarımadasında havanın yağmursuz keçəcəyi gözlənilir. Cənub küləyi əsəcək.  Havanın temperaturu  Abşeron yarımadasında gecə 22-24,   gündüz 34-38, Bakıda gecə 23-25, gündüz 36-38 dərəcə isti olacaq.  Atmosfer  təzyiqi normadan aşağı 755 mm civə sütunu, nisbi rütubət gecə 60-70, gündüz 40-45 faiz təşkil edəcək. Abşeron...
Cəmiyyət
190 manat birdəfəlik ödəmənin verilməsinə yaxın günlərdə başlanacaq. Xüsusi karantin rejiminin tətbiqi ilə əlaqədar işsiz qalan və günəmuzd işləyən şəxslərə 190 manat birdəfəlik ödəmənin verilməsinə yaxın günlərdə başlanacaq. BakuCity.az xəbər verir ki, birdəfəlik ödəmə sərt karantin rejiminin tətbiq olunduğu 16 şəhər və rayon üzrə bank kartları vasitəsilə həyata keçiriləcək. Əmək və Əhalinin Sosial Müdafiəsi naziri Sahil Babayev bu dəfə 190 manatlıq müavi...