Fevralda Bakıya yeni metro vaqonlarının ilk partiyası gətiriləcək

Fevralda Bakıya yeni metro vaqonlarının ilk partiyası gətiriləcək

"Bu qatarlar metal kimi satılır"

Fevral ayında “Bakı Metropoliteni” QSC üçün nəzərdə tutulan və il ərzində alınacaq 20 vaqonun ilk partiyası Bakıya gətiriləcək.

BakuCity.az xəbər verir ki, bunu “Bakı Metropoliteni” QSC-nin mətbuat xidmətinin rəhbəri Bəxtiyar Məmmədov “APA-Economics”ə deyib.

Onun sözlərinə görə, istehsal prosesindən asılı olaraq 10 və yaxud 5 vaqonun gələn ay Bakıya göndərilməsi nəzərdə tutulur:

“İstismarda olan qatarların istismar müddəti başa çatan an həmin qatarların xətdəki fəaliyyəti dayandırılır. Bu qatarlar kəsilib-doğranılaraq metal kimi satılır”.

Mətbuat xidmətinin rəhbəri əlavə edib ki, yeni qatarların alınmasının iki vacib şərti var:

“İlk növbədə, istismarda olan qatarların istismar müddətinin başa vurması, ikincisi isə yeni stansiyaların açılması ilə zərurət yaranacağı təqdirdə yeni qatarların, yaxud vaqonların alınmasıdır. Bununla bağlı 2019-cu ildə uzunmüddətli müqavilə imzalanıb və 3 il ərzində “Bakı Metropoliteni”ndə olan qatarların yenilənməsi istiqamətində əhəmiyyətli işlər görüləcək. Həmin müqaviləyə əsasən, 60 yeni vaqon alınacaq”.

BakuCity.az

Bakı metro yeni vaqonlar
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər