Sərnişin mikroavtobusu VAZ-la toqquşdu: ölən və yaralananlar var - VİDEO

Sərnişin mikroavtobusu VAZ-la toqquşdu: ölən və yaralananlar var - VİDEO

Araşdırma aparılır

İsmayıllıda mikroavtobusun qəzaya düşməsi nəticəsində bir nəfər ölüb, yeddi nəfər yaralanıb.

BakuCity.az “Report”a istinadən xəbər verir ki, hadisə Göyçay-İsmayıllı avtomobil yolunda Kürdmaşı və Qaraməryəm kəndləri arasında qeydə alınıb.

Şəkidən Bakıya hərəkət edən "Ford-Tranzit" markalı sərnişin mikroavtobusu qarşıdan gələn "VAZ-21099" markalı minik avtomobili ilə toqquşub. Hadisə nəticəsində "VAZ-21099"un sürücüsü, 1979-cu il təvəllüdlü Malik Neyman oğlu Kərimov hadisə yerində ölüb.

Qəza zamanı 7 nəfər sərnişin – 1966-cı il təvəllüdlü Rauf Həsənov, 1957-ci il təvəllüdlü Nazim Süleymanov, 1999-cu il təvəllüdlü Ruslan Neymanzadə, 1993-cü il təvəllüdlü Türkanə İsrafilli, 1970-ci il təvəllüdlü Tərlan İsmayılov və adı hələ naməlum iki sərnişin müxtəlif dərəcəli bədən xəsarətləri alaraq xəstəxanaya yerləşdirilib.

Hadisə yerinə FHN-in xilasediciləri və polis əməkdaşları cəlb olunub. 

Faktla bağlı araşdırma aparılır.

BakuCity.az

avtobus qəza
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər