Bakıda keçiriləcək "Jara-2020" yubiley festivalının ilkin proqramı açıqlandı

Bakıda keçiriləcək "Jara-2020" yubiley festivalının ilkin proqramı açıqlandı

"JARA" Beynəlxalq musiqi festivalının təşkilatçıları festivalın pərəstişkarları üçün yeni proqram hazırlayır.

BakuCity.az xəbər verir ki, bu barədə festivalın rəsmi “Instagram” səhifəsində məlumat verilib.

Paylaşımda Bakıda yaradıcılıq axşamları ilə çıxış edəcək sənətçilərin adları və festival günlərinin mövzuları açıqlanıb:

“Ən parlaq ulduzlarla birlikdə unudulmaz 5 gün və 5 gecə! Bu il "JARA" yubiley olduğundan, ardıcıl beşinci buraxılışımızda çoxlu xoş sürprizlər vəd edirik", - paylaşımda deyilir.

Beləliklə, iyulun 29-da festivalın ilk gecəsində ənənəvi qala konsert keçiriləcək. 30 iyulda 90-cı illərin sevimli hitləri, həmçinin Dmitri Malikovun yaradıcılıq axşamı,31 iyulda İqor Nikolayevin yaradıcılıq axşamı, 1 avqustda isə möhtəşəm “International Day” – “ZHARA MUSIC” leybl təqdim olunacaq. "Jara" pərəstişkarları üçün yubiley festivalının son gecəsində yeni nəsil sənətçiləri öz hitlərini ifa edəcək, solo proqramla Yeqor Krid və HammAli & Navai dueti çıxış edəcəklər.

Paylaşımda gələcəkdə festival proqramında dəyişikliklərin ediləcəyi qeyd olunur. Yəni qarşıda daha çox sürprizlər olacaq: “Proqram dəyişdirilə bilər. Elanlarımızı izləyin, biz sizi xəbərdar edəcəyik”.

Qeyd edək ki, "Jara" Beynəlxalq Musiqi festivalı 2016-cı ildən etibarən hər il Bakıda "Sea Breeze" turizm kompleksində keçirilir.

Layihə məşhur müğənni və bəstəkar, Azərbaycanın Xalq artisti Emin Ağalarov (EMIN), Rusiyanın Əməkdar artisti Qriqori Leps, "Rusiya Radiosu"nun və “Qızıl qrammofon” mükafatının təsisçisi Sergey Kajevnikov tərəfindən təşkil edilir.

Festivalda Azərbaycan, Rusiya, Ukrayna, İtaliya, ABŞ, Qazaxıstan və digər ölkələrin populyar ulduzları iştirak edirlər.

Festivalın informasiya tərəfdaşı BakuCity.az saytıdır.

Züleyxa İsmayılova

BakuCity.az

Bakı Jara 2020 musiqi festivalı
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər