3 marşrut xətti üzrə avtobusların hərəkətində dəyişiklik edildi - SXEMLƏR

3 marşrut xətti üzrə avtobusların hərəkətində dəyişiklik edildi - SXEMLƏR

Dəyişikliklər yanvarın 25-dən tətbiq ediləcək

Daxil olan vətəndaş müraciətləri nəzərə alınaraq, 3 müntəzəm marşrut xətti üzrə avtobusların hərəkət sxemində dəyişikliklər edilib.

Bakı Nəqliyyat Agentliyindən BakuCity.az-a verilən məlumata görə, 117 nömrəli müntəzəm marşrut xətti üzrə edilən dəyişikliyə əsasən, avtobuslar Salyan şosesindən keçməklə “Lökbatan” Nəqliyyat Mübadilə Mərkəzinə hərəkət edəcəklər. “Binə” və “Sədərək” ticarət mərkəzlərini birləşdirən yolun vəziyyəti qənaətbəxş olmadığından avtobusların buradan keçməsi çətinliklər yaradırdı. Bu hal sərnişinlərin də ciddi narahatlığına səbəb olurdu.

185 nömrəli müntəzəm marşrut xətti üzrə edilən dəyişikliyə əsasən isə avtobuslar Yusif Vəliyev - Dadaş Vasif - İsrafil Məmmədov küçələrindən keçməklə hərəkət edəcək.

206 nömrəli müntəzəm marşrut xətti üzrə avtobusların hərəkət sxemi də dəyişdirilib. Dəyişikliyə əsasən, bu xətt üzrə avtobuslar Lökbatan qəsəbəsi “Təzə evlər” adlanan əraziyədək hərəkət edəcək. Bu isə həmin ərazidə yaşayan sakinlərin “Elmlər Akademiyası” metro stansiyası istiqamətində rahat gediş-gəlişinin təmin edilməsinə imkan verəcək.

Qeyd edilən dəyişikliklər 25.01.2020 tarixindən tətbiq ediləcək.

3 marşrut xətti üzrə avtobusların hərəkətində dəyişiklik edildi - SXEMLƏR, fotoşəkil-1 3 marşrut xətti üzrə avtobusların hərəkətində dəyişiklik edildi - SXEMLƏR, fotoşəkil-2 3 marşrut xətti üzrə avtobusların hərəkətində dəyişiklik edildi - SXEMLƏR, fotoşəkil-3

BakuCity.az

avtobus hərəkət
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər