Şəhidlər xiyabanında uzun illərdir panduslar quraşdırılmır, qurumlar məsuliyyəti bir-birinin üstünə atır

Şəhidlər xiyabanında uzun illərdir panduslar quraşdırılmır, qurumlar məsuliyyəti bir-birinin üstünə atır

Problemi bir-birinin üstünə atırlar

Bakıda Şəhidlər xiyabanında uzun illərdir ki, fiziki məhdudiyyətli insanların rahat hərəkəti üçün şərait yaradılmır, xiyabanın əsas giriş hissəsindəki pilləkənlərdə panduslar yoxdur.

BakuCity.az hər il 20 yanvar günü gündəmə gələn bu məsələni araşdırıb.

Müxtəlif vaxtlarda və xüsusi tədbirlər zamanı xiyabanı ziyarət etmək istəyən Qarabağ qaziləri, ümumilikdə əlilliyi olan vətəndaşlar yalnız girişdə olan pilləkənlərə qədər gələ bilirlər. Ən yaxşı halda isə xiyabanın işçiləri və ya polis əməkdaşlarının köməyi ilə bir neçə məzarı ziyarət edib qayıdırlar.

Şəhidlər xiyabanında uzun illərdir panduslar quraşdırılmır, qurumlar məsuliyyəti bir-birinin üstünə atır, fotoşəkil-1

Aidiyyəti qurumlar isə qeyd edir ki, panduslar layihə reallaşdırıldığı zaman quraşdırılmalı idi. “İndi bizim səlahiyyətimizdə deyil”, - deyib problemi bir-birilərinin üstünə atırlar.

Bakı Şəhər İcra Hakimiyyətindən bildirilib ki, Şəhidlər xiyabanını Memarlar İttifaqı layihələndirib:

Şəhidlər xiyabanında uzun illərdir panduslar quraşdırılmır, qurumlar məsuliyyəti bir-birinin üstünə atır, fotoşəkil-2

“Bizə isə sadəcə nəzarət tapşırılıb. Sonradan bu panduslar məsələsi ortaya çıxanda İcra Hakimiyyəti tərəfindən xiyabanda bir eskalator quraşdırıldı. Bundan əlavə, xiyabanın işçilərinə və orada dayanan polis əməkdaşlarına tapşırılıb ki, xiyabana xüsusi tədbirlər zamanı və digər vaxtlarda gələn fiziki qüsurlu məhdudiyyətli insanlara köməklik etsinlər”.

Azərbaycan Memarlar İttifaqından birliyin yalnız "Əbədi məşəl" kompleksini layihələndirdiyi bildirilib.

Əlilliyi olan vətəndaşların da rifahı məsələsini nəzarətdə saxlayan Əmək və Əhalinin Sosial Müdafiəsi Nazirliyindən isə deyilib ki, bu işlər ümumiyyətlə qurumun səlahiyyətinə aid deyil.

BakuCity.az saytı məsələni diqqətdə saxlayır.

Şəhidlər xiyabanında uzun illərdir panduslar quraşdırılmır, qurumlar məsuliyyəti bir-birinin üstünə atır, fotoşəkil-3

Ramilə Qardaşxanqızı

BakuCity.az

Şəhidlər xiyabanı pandus əlillər
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər