Körpələr evində uşaqları bağlayan tibb işçiləri cəzalandırıldı - RƏSMİ

Körpələr evində uşaqları bağlayan tibb işçiləri cəzalandırıldı - RƏSMİ

Körpələr evində 3 yaşa qədər uşaqlar saxlanılır

Son günlər sosial şəbəkədə yenidən yayımlanan video və şəkillərin 2019-cü ilin oktyabr-noyabr aylarında bir sıra elektron kütləvi informasiya vasitələrində yayımlanması ilə bağlı xüsusi komissiya yaradılıb.

Bu barədə BakuCity.az-a Səhiyyə Nazirliyindən məlumat verilib.

Qeyd olunub ki, araşdırmalar aparılıb, körpələrin bir-birinə bağlanması öz təsdiqini tapmasa da, uşaqların bezlərinin düşməməsi üçün bellərinə uzun corablar bağlanması aşkar olunub və bunu edən iki orta tibb işçisi ciddi cəzalandırılıb:

"Videogörüntülərdə uşaq evinin təmirsiz və səliqəsiz olmasına münasibət bildirərək qeyd edək ki, uşaq evində bu məsələ ilə bağlı ciddi problem yoxdur. Müəssisədə xırda təmir-bərpa işləri aparılıb, körpələr evi isti su ilə, kombi sistemi və müasir istilik sistemi ilə təmin olunub. Müəssisədə paltaryuyan maşınlar, tozsoranlar var və təmizlik məsələsinə tamamilə riayət edilir. Qeyd edək ki, uşaq evində valideynləri tərəfindən atılan üç yaşa qədər olan uşaqlar saxlanılır".

Körpələr evində uşaqları bağlayan tibb işçiləri cəzalandırıldı - RƏSMİ, fotoşəkil-1

BakuCity.az

körpələr evi tibb işçiləri
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər