Bakıda avtomobillər piyadaları belə vurur - VİDEO

Bakıda avtomobillər piyadaları belə vurur - VİDEO

“Təhlükəsiz Şəhər” kameralarının qeydə aldığı faktlar

"Paytaxtda hərəkətin etibarlı təhlükəsizliyi istiqamətində kompleks maarifləndirmə tədbirlərinin genişləndirilməsi diqqət mərkəzindədir. Yeni dövrün çağırış və təhdidləri, yol-nəqliyyat hadisələrinin faktlar üzrə təhlilləri göstərir ki, yollarda hərəkət iştirakçılarının məsuliyyəti əsas şərtlərdən biridir. Bunu nəzərə alaraq, ötən il qeydə alınan hər bir yol-nəqliyyat hadisəsi faktlar üzrə ayrı-ayrılıqda nəzərdən keçirilib".

BakuCity.az xəbər verir ki, bunu "Report"a Bakı Şəhər Dövlət Yol Polisi İdarəsinin bölmə rəisi, polis polkovniki Vaqif Əsədov deyib. 

Onun sözlərinə görə, qabaqlayıcı profilaktik tədbirlərin səmərəli təşkili, yeni məzmunda təbliğat və təşviqatın yaxşılaşdırılması üçün cəmiyyətin hər bir üzvünün fəallığı tələb olunur:

"Bu tələb hər bir hərəkət iştirakçısının məsuliyyətdən, qanunlara ehtiramından, başqalarının hüquq və vəzifələrinə rəğbətindən asılıdır. Şərh etmədən bir sıra yol-qəza hadisələri ilə bağlı “Təhlükəsiz Şəhər” kameralarının qeydə aldığı faktları diqqətə çatdırırıq. Görünən odur ki, tərəflərin yol hərəkəti qaydalarına ehtiyatsız münasibəti, piyada səhlənkarlığı, sürücü diqqətsizliyi hadisələrin baş verməsinə real zəmin yaradır.

Sürət həddinin aşılması, hərəkət istiqamətində diqqətsizlik, qarşı hərəkət zolağına çıxma, təyin olunmayan yerlərdən hərəkət, yolayrıclarında, yol kəsişmələrində tələblərin pozulması və digər xətalar insan tələfatına, xəsarət və əmlakın zədələnməsi ilə nəticələnir".

BakuCity.az

Bakı avtomobillər piyadalar
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər