Bakı-Sumqayıt yolunda top mərmisi tapılıb - FOTO

Bakı-Sumqayıt yolunda top mərmisi tapılıb - FOTO

Əraziyə yeraltı baxış keçirilib

Bakı-Sumqayıt yolunun kənarında 1 ədəd boş vəziyyətdə 100 mm-lik top mərmisi (OF-412) tapılıb.

Ərazilərin Minalardan Təmizlənməsi üzrə Milli Agentlikdən (ANAMA) BakuCity.az-a verilən məlumata görə, 2020-ci il 29 Yanvar tarixində saat 14:58-də Daxili İşlər Nazirliyinin ″102″ Xidməti - Zəng mərkəzi sistemindən Agentliyə Sumqayıt şəhəri, H.Z.Tağıyev qəsəbəsi ərazisində 1 ədəd mərminin tapılması barədə məlumat daxil olub.

Məlumata əsasən Agentliyin xüsusi mobil çevik əməliyyat qrupu və Daxili İşlər Nazirliyinin Sumqayıt şəhər Polis İdarəsinin əməkdaşları dərhal həmin əraziyə göndərilib.

Agentliyin mütəxəssisləri və Sumqayıt şəhər Polis İdarəsinin əməkdaşları tərəfindən birlikdə yuxarıda adı qeyd olunmuş ərazidə Bakı-Sumqayıt avtomobil yolunun kənarına baxış keçirilib. Təhlükəsizliyi təmin etmək məqsədilə ərazi polislər tərəfindən mühasirəyə alınıb. Agentliyin mütəxəssisləri tərəfindən aparılan təcili təxirəsalınmaz əməliyyat-axtarış tədbirləri nəticəsində 1 ədəd boş vəziyyətdə 100 mm-lik top mərmisi (OF-412) aşkar olunub, götürülərək Agentliyin mərkəzi məhvetmə ərazisinə daşınıb.

Top mərmisinin ətrafında 600 kv.m əraziyə yerüstü, 30 kv.m əraziyə isə yeraltı baxış keçirilib, heç bir təhlükəli əşya və qurğu aşkarlanmayıb.

Bakı-Sumqayıt yolunda top mərmisi tapılıb - FOTO, fotoşəkil-1 Bakı-Sumqayıt yolunda top mərmisi tapılıb - FOTO, fotoşəkil-2 Bakı-Sumqayıt yolunda top mərmisi tapılıb - FOTO, fotoşəkil-3 Bakı-Sumqayıt yolunda top mərmisi tapılıb - FOTO, fotoşəkil-4

BakuCity.az

Bakı-Sumqayıt yolu top mərmisi
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər