Bakıda iki yeraltı tunel və ya körpünün tikiləcəyi ərazi bilindi

Bakıda iki yeraltı tunel və ya körpünün tikiləcəyi ərazi bilindi

Məqsəd qatarların təhlükəsiz hərəkətini təmin etməkdir

Bakı-Sumqayıt dairəvi dəmiryol xəttinin təmir-tikintisi zamanı əlavə iki yeraltı tunel və ya körpü inşa ediləcək.

BakuCity.az xəbər verir ki, bunu “Azərbaycan Dəmir Yolları” QSC-nin mətbuat katibliyi şöbəsinin rəisi Natəvan Bayramova Baku.ws-ə deyib.

Onun sözlərinə görə, əlavə körpü və ya tunel tikintisi Bakı-Sumqayıt-Bakı istiqamətində qatarların təhlükəsiz hərəkətinə şərait yaratmaq məqsədi daşıyır:

"Bu tunellərdən birinin Sumqayıt şəhər stansiyasının çıxışındakı keçiddə tikilməsi planlaşdırılır. Həmçinin Ceyranbatan ərazisində qorunan keçidin müxtəlif səviyyəli kəsişmə ilə əvəzlənməsi də nəzərdə tutulur. Bu, təhlükəsizliyin təmin edilməsinə yönələn əlavə tədbirlərdir".

BakuCity.az

Bakı yeraltı tunel körpü
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər