Paytaxt rayonlarının yaşıllaşma reytinqi müəyyən edilib - FOTO

Paytaxt rayonlarının yaşıllaşma reytinqi müəyyən edilib - FOTO

Məsuliyyətsiz iş adamları barədə vaxtaşırı məlumat veriləcək

Ötən ilin sonunda Bakı Şəhər İcra Hakimiyyəti paytaxtda “Yaşıl guşələr”in yaradılması təşəbbüsünü irəli sürmüşdü. Bununla əlaqədar Bakı Şəhər İcra Hakimiyyətinin başçısı Eldar Əzizov tərəfindən sahibkarlara, müəssisə və təşkilat rəhbərlərinə ictimai iaşə, ticarət, ofis binaları, müəssisə və digər obyektlərin qarşısında “Yaşıl guşələr” yaratmaq tövsiyə edilib və bununla bağlı müvafiq sərəncam imzalanıb.

“Yaşıl Bakı” Təşəbbüs Qrupundan BakuCity.az-a verilən məlumata görə, iri meqapolislərin yaşıllaşdırılması işində uğur qazanmış şəhərlərin təcrübəsi göstərir ki, sahibkarlar, müəssisə rəhbərləri və ayrı-ayrı vətəndaşlar birgə iş prosesində belə təşəbbüslərə qoşulduqda çox  yaxşı nəticələr əldə edilə bilər.

Bakı Şəhər İcra Hakimiyyətinin ekoloji təşəbbüsünə çox sayda obyekt sahibləri, müəssisə rəhbərləri səs verdi və qısa vaxt ərzində paytaxtın yaşıllaşdırılması istiqamətində bir sıra işlər həyata keçirildi. Eyni zamanda, bu təşəbbüsə bir sıra ictimai təşkilatlar qoşuldular.

Belə ki, “Yaşıl Bakı” Təşəbbüs Qrupu Bakı şəhərinin yeddi mərkəzi rayonunda aparılan monitorinqlərin nəticələrinə əsasən buradakı müxtəlif obyekt və idarələrin qarşısında yaradılmış ən yaxşı və ən pis “Yaşıl guşələr”in reytinqini tərtib edib. Reytinqə Xətai rayonu liderlik edir, siyahıda sonrakı yerləri Nərimanov və Səbail rayonları tuturlar.

Reytinq siyahısında sonuncu yeri Nəsimi rayonu tutub. Yasamal rayonunda da yaşıllaşdırma işləri qənaətbəxş deyil. “Yaşıl Bakı” Təşəbbüs Qrupu tərəfindən reytinqdə birinci və son yerləri tutan obyektlərin fotoları da təqdim edilib.

Təşəbbüs qrupundan bildirilib ki, paytaxtda “Yaşıl guşələr”in yaradılması və onlara qulluq göstərilməsi təkcə dövlət orqanlarının deyil, həm də öz şəhərini sevən hər bir insanın işi olmalıdır. Qeyd olunub ki, obyektin fəaliyyətindən böyük pullar qazanan, lakin obyektin yerləşdiyi ətraf ərazinin abadlaşdırılması və yaşıllaşdırılması məsələsinə laqeyd münasibət göstərən məsuliyyətsiz iş adamları və müəssisə rəhbərləri barədə ictimaiyyətə vaxtaşırı məlumat veriləcək. Hazırda ictimaiyyətə təqdim etmək üçün bu obyektlərin həqiqi sahiblərinin adları dəqiqləşdirilir. 

Paytaxt rayonlarının yaşıllaşma reytinqi müəyyən edilib - FOTO, fotoşəkil-1 Paytaxt rayonlarının yaşıllaşma reytinqi müəyyən edilib - FOTO, fotoşəkil-2 Paytaxt rayonlarının yaşıllaşma reytinqi müəyyən edilib - FOTO, fotoşəkil-3 Paytaxt rayonlarının yaşıllaşma reytinqi müəyyən edilib - FOTO, fotoşəkil-4 Paytaxt rayonlarının yaşıllaşma reytinqi müəyyən edilib - FOTO, fotoşəkil-5 Paytaxt rayonlarının yaşıllaşma reytinqi müəyyən edilib - FOTO, fotoşəkil-6 Paytaxt rayonlarının yaşıllaşma reytinqi müəyyən edilib - FOTO, fotoşəkil-7

BakuCity.az

Bakı yaşıllaşdırma obyektlər reytinq
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər