Çindən "Sədərək" Ticarət Mərkəzinə mal gətirilməsi dayandı

Çindən "Sədərək" Ticarət Mərkəzinə mal gətirilməsi dayandı

Çin mallarının mövsümü deyil

Çin Xalq Respublikasından Bakının "Sədərək" Ticarət Mərkəzinə malların gətirilməsi dayanıb.

BakuCity.az xəbər verir ki, bu barədə "Sədərək" Ticarət Mərkəzinin mətbuat xidmətinin rəhbəri Mikayıl Qədimov Trend-ə deyib.

Onun sözlərinə görə, hazırda Çindən adıçəkilən mərkəzə mal gətirilmir:

"Ümumilikdə hazırda Çin mallarının mövsümü deyil. Əsas mövsüm mart-aprel aylarından başlanır. Daha sonra isə avqust-sentyabr aylarından dekabr ayına qədər bazara Çin malları gəlir. Yanvar ayı Çində bayram olduğu üçün bazara mal gətirilmir".

Həmçinin oxu: Çindən Azərbaycana gələn tələbələr karantinə alındı

Mərkəz rəsmisi deyib ki, hazırda bazarda tək-tək Çin malları satılır. Həmin mallar da noyabr-dekabr aylarından qalan və ya həmin aylarda Çindən göndərilən, lakin yolda gecikən mallardır:

"Hazırda bizim bazara Çindən heç bir mal gəlmir. Dekabr ayından sonra bazara Çindən mal gətirilməsi dayanıb".

M.Qədimov deyir ki, bu ərəfələrdə bazarda alver də zəif olur.

BakuCity.az

Bakı Çin "Sədərək" Ticarət Mərkəzi
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər