Çekləri atmayın: Bu il alış-veriş edənlərə pul qaytarılacaq - VİDEO

Çekləri atmayın: Bu il alış-veriş edənlərə pul qaytarılacaq - VİDEO

Vətəndaşlar geri ödənişləri əldə etmək üçün hara müraciət etsinlər?

Bir müddət öncə İqtisadiyyat naziri ticarət və iaşə obyektlərində ödənişlər zamanı tutulan əlavə dəyər vergisinin (ƏDV) bu aydan etibarən geri ödənilməsinə başlanacağını açıqlamışdı. Artıq qanunun bu tələbinin həyata keçirilməsi üçün proses tamamlanmaq üzrədir.

BakuCity.az "Xəzərxəbər"ə istinadən xəbər verir ki, müştəriyə geri qaytarılacaq məbləğ nağdsız əməliyyatlar üzrə ödənilmiş ƏDV-nin 15 faizi, nağd əməliyyatlar üzrə isə 10 faizi həcmində olacaq.

Hər bir vətəndaş 2019-cu il ərzində etdiyi alış-veriş və ya xidmətə görə verilən çeklərdəki məbləğləri toplayaraq nağd ödənişlərdə həmin məbləğdən bu vəsaitin 118-ə bölünərək 10-a vurulmuş hissəsini, nağdsız ödənişlərdə isə həmin vəsaitin 118-ə bölünərək 15-ə vurulmuş həcmini çıxaraq alacağı pulu müəyyən edə bilər.

İqtisadçı-ekspert Rəşad Həsənov bu yanaşmanın dünyanın bir çox ölkələrində tətbiq edildiyini və əsas hədəfin əhalinin gəlirlərinin şəffaf müstəvidə təhlil olunmasına imkan verdiyini bildirir. Ancaq ekspert bildirir ki, qaytarılan ƏDV-nin miqdarı artırılarsa, daha çox effekt əldə etmək olar.

Amma ticarət və iaşə obyektlərində ödəniş edən vətəndaşların geri ödənişləri əldə etmək üçün hara müraciət edəcəyi hələ açıqlanmayıb. Odur ki, yaxın günlərdə aidiyyəti qurumların bununla bağlı ictimaiyyətə geniş açıqlama verəcəyi gözlənilir.

BakuCity.az

alış-veriş çek geri ödəniş
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər