Balaxanıda narkotik alverçiləri ələ keçdi - FOTO

Balaxanıda narkotik alverçiləri ələ keçdi - FOTO

Günahlarını etiraf ediblər

Sabunçu Rayon Polis İdarəsinin 12-ci Polis Şöbəsinin əməkdaşları tərəfindən narkotik vasitələrin qanunsuz dövriyyəsi və alqı-satqısı ilə məşğul olan şəxslər saxlanılıblar.

Daxili İşlər Nazirliyinin Mətbuat xidmətindən BakuCity.az-a verilən məlumata görə, əməliyyat zamanı Balaxanı qəsəbəsində narkotik vasitələrin satışı ilə məşğul olan, əvvəllər məhkum olunmuş qəsəbə sakini Tural Vəliyev və tanışı, paytaxt sakini Bahadır Kərimov tutulublar.

Həmçinin oxu: “İnstagram”da narkotik qəbulunu təbliğ edən Bakı sakini həbs olundu - FOTO

Polis Şöbəsində onların üzərində şəxsi axtarış aparılan zaman B.Kərimovdan 0,246 qram psixotrop maddə metamfetamin, T.Vəliyevdən isə 2,512 qram heroin və 0,165 qram metamfetamin aşkar olunub.

Əməliyyat tədbirlərinin davamı olaraq T.Vəliyevin qəsəbə ərazisində yerləşən evinin yaxınlığındakı yarımtikilidə gizlətdiyi 1 kiloqram 700 qran heroin də aşkar olunaraq polislər tərəfindən götürülüb.

Saxlanılan şəxslər Balaxanı qəsəbəsində narkotik vasitələrin satışı ilə məşğul olduqlarını bildiriblər.

Faktla bağlı 12-ci Polis Şöbəsində toplanan materiallar araşdırlmasi üçün Sabunçu RPİ-yə göndərilib, istintaq tədbirləri davam etdirilir.

Balaxanıda narkotik alverçiləri ələ keçdi - FOTO, fotoşəkil-1 Balaxanıda narkotik alverçiləri ələ keçdi - FOTO, fotoşəkil-2

BakuCity.az

Balaxanı narkotik alverçiləri
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər